ვლადიმერ ხინჩეგაშვილი „სოფლის მხარდაჭერის პროგრამის“ ფარგლებში მოსახლეობასთან შეხვედრებს მართავს

გორის მუნიციპალიტეტის მერი ვლადიმერ ხინჩეგაშვილი „სოფლის მხარდაჭერის პროგრამის“ ფარგლებში მოსახლეობასთან შეხვედრებს მართავს. ამის შესახებ ინფორმაციას გორის მერია ავრცელებს.

მათი ცნობით, პროგრამის ფარგლებში თითოეულ სოფელში 10 ათასიდან 20 ათას ლარამდე ღირებულების მცირე ინფრასტრუქტურული პროექტები დაფინანსდება.

„პროგრამით განსახორციელებელი პროექტები შეხვედრებზე სოფლის მოსახლეობის ხმათა უმრავლესობით წყდება. „სოფლის მხარდაჭერის პროგრამის“ ფარგლებში მოსახლეობა ძირითადად გარე განათების დასრულებას, შიდა საუბნო გზებისა და სანიაღვრეების მოწესრიგებას, სპორტული სივრცეების მოწყობას, სკვერებისა და სასაფლაოების შემოღობვას ირჩევენ. შეხვედრები 16 იანვარს დაიწყო და 2 თებერვალს დასრულდება. ვლადიმერ ხინჩეგაშვილი შეხვედრებზე „სოფლის მხარდაჭერის პროგრამის“ ფარგლებში ინიცირებული პროექტების გარდა, ადგილობრივებისგან პირადად ისმენს იმ საჭიროებებს, რაც მოსახლეობას გააჩნია. ადგილობრივი მოსახლეობის მიერ მერთან შეხვედრებზე გაჟღერებული საკითხების გადასაჭრელად, პროექტებს გორის მუნიციპალიტეტის მერია ეტაპობრივად განახორციელებს“, - ნათქვამია ინფორმაციაში.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი