"ნაციონალური მოძრაობის" თავმჯდომარეობის ერთ-ერთი კანდიდატის, გიორგი მუმლაძის წარმომადგენლის ალექსანდრე მილორავას განცხადებით, თუ ამომრჩეველთა გარკვეულ ნაწილს ხმის მიცემის საშუალება არ მიეცემა, ისინი არჩევნების დროში გახანგრძლივებას მოითხოვენ.
მილორავას განცხადებით, მათი ინფორმაციით, არჩევნებში გიორგი მუმლაძე ლიდერობს.
"კომისიის შესაძლებლობის ფარგლებში ყველაფერს ვაკეთებთ იმისთვის, რომ ყველა ადამიანმა შეძლოს ხმის მიცემა. 10% დღეს არის გაურკვეველი, მიცემს თუ არა ხმას, თუ ეს ასე იქნება შემდეგში, მაშინ ეს არჩევნები შემდგარად ვერ გამოცხადდება. ამის გათვალისწინებით, ჩვენ დავაყენებთ საკითხს, რომ არჩევნები დროში გახანგრძლივდეს და ყველა რეგისტრირებულ პირს მიეცეს არჩევანის გაკეთების შესაძლებლობა. 4 ათასი ადამიანიდან 1500 პირზე მეტი არის ჩვენი მხარდამჭერი, ჩვენ ამის იდენტიფიცირება მოვახერხეთ დღეს, დღის განმავლობაში. არჩევნებში გიორგი მუმლაძე ლიდერობს, მათ შორის შეგიძლიათ სოციალურ ქსელშიც ნახოთ რამდენი ადამიანი უჭერს მხარს. ჩვენ დარწმუნებული ვართ, რომ თუ არ მოხდება გარედან ჩარევები, ამომრჩევლებზე ზეწოლა და მათ მიეცემათ თავისუფალი არჩევანის გაკეთების შესაძლებლობა, გიორგი მუმლაძე ამ არჩევნებში გაიმარჯვებს",-განაცხადა მილორავამ.
