გორში ახალი შუქნიშნების მოწყობის სამუშაოები მიმდინარეობს
გორში, ახალი შუქნიშნების მოწყობის სამუშაოები მიმდინარეობს. აღნიშნულ ინფორმაციას გორის მერია ავრცელებს.
მერიის ცნობით, პროექტის მიზანია საგზაო მოძრაობის უსაფრთხოების უზრუნველყოფა.
თანამედროვე სტანტარდების შესაბამისი საგზაო მოძრაობის რეგულირების ტექნიკური საშუალებები ორ ლოკაციაზე მონტაჟდება: ცხინვალის გზატკეცილის, ტყვიავისა და პუშკინის ქუჩების კვეთა; სტალინისა და თამარ მეფის გამზირების კვეთა; გარდა ტრანსპორტისა, ახალი შუქნიშნები მოაწესრიგებს ქვეითების მოძრაობასაც და ადაპტირებული იქნება შშმ პირებისთვისაც.
გორის მერიის განცხადებით, ქალაქში პირველად მონტაჟდება საგზაო მოძრაობის რეგულირების ტექნიკური მოწყობილობები, რომლებიც ითვალისწინებს შშმ პირების ინტერესებსაც. პროექტის ღირებულება 365 115 ლარია. თანხა ადგილობრივი ბიუჯეტიდან გამოიყო.
