თბილისში საერთაშორისო ტურნირი გაიმართა კიკბოქსინგსა და შერეულ ორთაბრძოლებში, (MMA) სადაც მარნეულის მუნიციპალიტეტის სპორტული სკოლის კიკბოქსიორებმა წარმატებით იასპარეზეს. ამის შესახებ ინფორმაციას მარნეულის მერია ავრცელებს.

მათივე ცნობით, 113 კგ წონით კატეგორიაში პროფესიონალური ორთაბრძოლა გამართა მიშა ცარციძემ, სადაც დაუპირისპირდა ირანელ სპორტსმენს და მოიპოვა დამაჯერებელი გამარჯვება. მიშას გადაეცა ორგანიზაციის ჩემპიონის ქამარი.

51 კგ წონით კატეგორიაში იასპარეზა მარნეულის მუნიციპალიტეტის სპორტული სკოლის ერთ-ერთმა წარმატებულმა სპორტსმენმა, გიორგი მირზოიანმა. შეხვედრაში დამაჯერებლად დაამარცხა ირანელი მოწინააღმდეგე და მოიპოვა ორგანიზაციის ქამარი.

ასევე წარმატებით იასპარეზეს სპორტსმენებმა სამოყვარულო ორთაბრძოლებში და სხვადასხვა წონით კატეგორიაში ოთხი ოქროს მედალი მოიპოვეს.

ტურნირში აზერბაიჯანის, თურქეთის, ირანის, უზბეკეთისა და საქართველოს წარმომადგენლები მონაწილეობდნენ.