ფოთის მუნიციპალიტეტში საგზაო ინფრასტრუქტურის მოწყობის სამუშაოები აქტიურად მიმდინარეობს - გზის რეაბილიტაცია სერგი დანელიას ქუჩაზე სრულდება, - ამის შესახებ ინფორმაციას ფოთის მუნიციპალიტეტის მერია ავრცელებს.

ქალაქის მერის, ბექა ვაჭარაძის განცხადებით, პროექტის ფარგლებში დაიგო ორფენიანი ასფალტო-ბეტონის გზის საფარი, მოეწყო გარე განათების სისტემა, სანიაღვრე არხები, ბორდიურები, გადასასვლელი ხიდბოგირები. ტროტუარზე დაიგო ქვაფენილი. ასევე, განხორციელდება გზის მონიშვნის სამუშაოები.

მერიის ცნობითვე, მიმდინარე სარეაბილიტაციო ღონისძიებებს ტენდერში გამარჯვებული კომპანია „გზამშენებელი 13“ ახორციელებს.