[მიხეილ სააკაშვილი] შეგუებულია, რომ შესაძლოა დაიღუპოს. უარი, მისთვის მკურნალობის მიზნით სასჯელის გადავადებაზე, იგივეა, რაც ნელი სიკვდილის განაჩენი, - ამის შესახებ „ლელოს“ დეპუტატი სალომე სამადაშვილი ყოფილი პრეზიდენტის მიხეილ სააკაშვილის ჯანმრთელობასთან დაკავშირებით, სოციალურ ქსელში წერს.

მისი თქმით, ყველა, ვისაც დღეს მიხეილ სააკაშვილის გადარჩენა შეუძლია და ამას არ აკეთებს, ხელს აწერს შესაძლო სასიკვდილო განაჩენს.

„მიხეილ სააკაშვილი საავადმყოფოში მოვინახულე ერთი თვის წინ. არც ექიმი ვარ, არც ფსიქოლოგი, მაგრამ ჩემთვის ნათელი იყო, რომ ამ ადამიანის მდგომარეობა ამ პირობებში არ გამოსწორდებოდა. ის შეგუებულია, რომ შესაძლოა დაიღუპოს. უარი, მისთვის მკურნალობის მიზნით სასჯელის გადავადებაზე, იგივეა, რაც ნელი სიკვდილის განაჩენი. ყველა -მოსამართლე, ხელისუფლება, პრეზიდენტი, ვისაც დღეს შეუძლია მისი გადარჩენა და ამას არ აკეთებს, ხელს აწერს შესაძლო სასიკვდილო განაჩენს“, - წერს სამადაშვილი.