ქვემო ქართლის რეგიონში, ბოლნისის მუნიციპალიტეტში „სოფლის მხარდაჭერის პროგრამა“ დაიწყო

ქვემო ქართლის რეგიონში, ბოლნისის მუნიციპალიტეტში „სოფლის მხარდაჭერის პროგრამა“ დაიწყო. ამის შესახებ ინფორმაციას ბოლნისის მუნიციპალიტეტის მერიის პრესსამსახური ავრცელებს.

ინფორმაციის თანახმად, ბოლნისის მუნიციპალიტეტის ადმინისტრაციულ ერთეულებში „სოფლის მხარდაჭერის პროგრამის“ ფარგლებში მოსახლეობასთან შეხვედრები იმართება.

„ბოლნისის მუნიციპალიტეტის მერმა დავით შერაზადიშვილმა შეხვედრები სოფლებში: სენები, ბერთაკარი, ძეძვნარიანი და იწრია გამართა და სოფლებში არსებულ პრობლემებს ადგილზე გაეცნო.

ხმათა უმრავლესობით, სოფლებში: სენები, ძეძვნარიანი და იწრია გარე განათების ქსელის მოწყობის პროექტი გაგრძელდება, სოფელ ბერთაკარში კი სასაფლაო შემოიღობება.

შეხვედრებზე დასახელებული სხვა პროექტები, რომლებიც „სოფლის განვითარების პროგრამის“ კრიტერიუმებში არ ჯდება, ბოლნისის მუნიციპალიტეტის მერის დავით შერაზადიშვილის გადაწყვეტილებით, ადგილობრივი ბიუჯეტის დაფინანსებით განხორციელდება.

„მოხარული ვარ, რომ სოფლის მხარდაჭერის პროგრამა დაიწყო. ამ პროგრამის ფარგლებში ჩვენ არაერთი მნიშვნელოვანი ინფრასტრუქტურული პროექტის გაკეთებას შევძლებთ. ადგილობრივი თვითმმართველობის წარმომადგენლები ყველა სოფელსა და დასახლებაში გავმართავთ შეხვედრებს და მოსახლეობის მოსაზრებებს მოვისმენთ. ჩვენი მოქალაქეები თავად აარჩევენ მათ სოფლებში რა პრობლემები უნდა მოგვარდეს, ეს კი, ვფიქრობ, აღნიშნული პროგრამის ეფექტურობას უდავოდ განაპირობებს“, - განაცხადა ბოლნისის მუნიციპალიტეტის მერმა დავით შერაზადიშვილმა.

„სოფლის მხარდაჭერის პროგრამის ფარგლებში“, ცენტრალური ბიუჯეტიდან ბოლნისის მუნიციპალიტეტისთვის 714 000 ლარია გამოყოფილი”, - ნათქვამია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის