NDI-ის კვლევის მიხედვით, გამოკითხულთა 37%-ის აზრით, საქართველო სწორი მიმართულებით ვითარდება, 31% მიიჩნევს, რომ არასწორი მიმართულებით მიდის, 26%-ის აზრით კი - საერთოდ არ იცვლება

„საქართველოს ეროვნულ დემოკრატიული ინსტიტუტის“ (NDI) კვლევის მიხედვით, გამოკითხულთა 37%-ის აზრით, საქართველო სწორი მიმართულებით ვითარდება, 31% მიიჩნევს, რომ საქართველო არასწორი მიმართულებით მიდის, 26%-ის აზრით კი - საერთოდ არ იცვლება.

დოკუმენტის მიხედვით, საქართველოში თავს დაცულად, გამოკითხულთა 66% გრძნობს, 34% კი ფიქრობს, რომ ქვეყანაში დაუცველია.

საქართველოს მოქალაქეები თავს დაუცველად, ძირითადად, ეკონომიკური საკითხების გამო გრძნობენ. დაუცველობის მიზეზად გამოკითხულთა 39% სიღარიბეს ასახელებს, ინფლაციასა და მაღალ ფასებს გამოკითხულთა 35%, 34%-ის აზრით, მიზეზი უმუშევრობა და სამუშაო ადგილების ნაკლებობაა, 33%-ის აზრით, კრიმინალი, 21%-ის შეფასებით კი თავს დაუცველად პოლიტიკური არასტაბილურობის გამო გრძნობენ.

NDI-ის კვლევის მიხედვით, გამოკითხულთა 44% ეთანხმება იმ მოსაზრებას, რომ ქვეყნის მომავლის მიმართ ოპტიმისტურადაა განწყობილი, 37% ნეიტრალურადაა განწყობილი, 17% კი ამ მოსაზრებას არ ეთანხმება.

ცნობისთვის, აღნიშნული ანგარიში 3 დეკემბრიდან - 20 დეკემბრამდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით).

დეკემბერში ჩატარებული გამოკითხვა სულ 2,519 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 1,6 პროცენტია. NDI-ის კვლევა დიდი ბრიტანეთის მთავრობის UK aid-ის ფინანსური ხელშეწყობით ხორციელდება. კვლევა ჩატარებულია CRRC საქართველოს მიერ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო