ელენე ხოშტარია - მიხეილ სააკაშვილთან დაკავშირებით ზელენსკის განცხადებებს სხვადასხვა ქვეყნებიდან დიდი ყურადღება მოჰყვება

პარტია „დროას“ ლიდერის, ელენე ხოშტარიას შეფასებით, ვლადიმერ პუტინთან ომში მყოფი უკრაინის პრეზიდენტი, ვოლოდიმირ ზელენსკი განსაკუთრებულ ყურადღებას აქცევს ექსპრეზიდენტ მიხეილ სააკაშვილის საკითხს, რასაც მისი განცხადება ადასტურებს.

როგორც ხოშტარიამ ჟურნალისტებს განუცხადა, ზელენსკის განცხადებებს სხვადასხვა ქვეყნებიდან დიდი ყურადღება მოჰყვება.

„ჩვენს პარტნიორებს კარგად ესმით, რომ მიხეილ სააკაშვილის ამ მდგომარეობაში ყოფნა, მისი ღირსების შელახვა, მისი ჯანმრთელობის ამ მდგომარეობაში ჩაგდება არის არა მხოლოდ ლოკალური საკითხი, არამედ მათ შორის პუტინის ინტერესში შედის, რომელიც თავის დროზე მიხეილ სააკაშვილს ემუქრებოდა. ამიტომ, ზელენსკის მხრიდან, რომელიც ყველაზე დიდი ავტორიტეტია დღეს პუტინთან ბრძოლაში, ეს ძალიან დიდი მნიშვნელობის განცხადებაა. ამას მოჰყვება მათ შორის სხვა ქვეყნებიდან სერიოზული ყურადღება. ჩვენი ამოცანა სწორედ ეს არის, მთელ მსოფლიოში ესმოდეთ, არ შეიძლება დავუშვათ პუტინის მტრის საქართველოში ამ მდგომარეობაში ყოფნა", - განაცხადა ხოშტარიამ.

მან ევროპარლამენტში მიხეილ სააკაშვილთან დაკავშირებით გამართული დებატებიც შეაფასა და აღნიშნა, რომ ყველანაირი წნეხი, მათ შორის საერთაშორისო საზოგადოების მხრიდან ძალიან მნიშვნელოვანია, რომ ხელისუფლებამ პოზიცია შეიცვალოს.

„რომ გითხრათ, ევროპარლამენტარების აზრი „ქართული ოცნებისთვის“ საინტერესოა, ასე არ არის, რადგან მათ თავს ესხმიან, მაგრამ ყველა მხრიდან წნეხი არის ახლა მნიშვნელოვანი“, - განაცხადა ხოშტარიამ. ცნობისთვის, უკრაინის პრეზიდენტმა ვოლოდიმირ ზელენსკიმ ავსტრიის პრეზიდენტთან ალექსანდრ ვან დერ ბელენთან კიევში გამართულ პრესკონფერენციაზე განაცხადა, რომ საქართველოს ხელისუფლების მიზანია, მიხეილ სააკაშვილი მოკლას.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო