ამერიკის ელჩი კახეთის გუბერნატორს და თელავის მუნიციპალიტეტის ხელმძღვანელ პირებს შეხვდა

ამერიკის შეერთებული შტატების საგანგებო და სრულუფლებიანი ელჩი საქართველოში კელი დეგნანი კახეთის სახელმწიფო რწმუნებულს, გიორგი ალადაშვილს, თელავის მუნიციპალიტეტის მერს, ლევან ანდრიაშვილსა და საკრებულოს თავმჯდომარეს, თენგიზ მთვარელიშვილს შეხვდა.

თელავის მუნიციპალიტეტის მერიის ცნობით, შეხვედრაზე, რომელიც კახეთის სამხარეო ადმინისტრაციაში გაიმართა, მხარეებმა იმსჯელეს რეგიონში არსებულ ეკონომიკურ ვითარებაზე, განვითარების პერსპექტივებზე და კახეთის, როგორც უნიკალური ტურისტული დანიშნულების ადგილის ავთენტურობისა და ამოუწურავი პოტენციალის შესახებ.

მათივე ინფორმაციით, შეხვედრაზე საუბარი საელჩოს მიერ დანერგილი და განხორციელებული პროექტების მნიშვნელობას შეეხო და ელჩმა თელავის მუნიციპალიტეტის ადგილობრივი თვითმმართველობის ხელმძღვანელ პირებს, თელავში მოქმედი ამერიკის კუთხის გაფართოების პროცესში შეტანილი წვლილისთვის მადლობა გადაუხადა.

„შეხვედრაზე ხაზი გაესვა ამერიკა-საქართველოს მრავალწლიანი მეგობრობისა და პარტნიორობის მნიშვნელობას. აღნიშნული თანამშრომლობის შედეგად ბევრი საერთო და ადგილობრივი თემის წარმომადგენლებისთვის სასიკეთო პროგრამა იქნა განხორციელებული. შეხვედრის დასასრულს, მხარეებმა ერთმანეთს სიმბოლური საჩუქრები გადასცეს”, - აღნიშნულია ინფორმაციაში.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის