მადლობა ღმერთს, საქართველოს პრეზიდენტი არ განსაზღვრავს ქვეყნის განვითარების გზას. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

მისი თქმით, სალომე ზურაბიშვილი მხოლოდ ცერემონიალურ ფუნქციებს ასრულებს.

მისივე თქმით, დასავლეთს სურს გადააქციოს საქართველო „გამღიზიანებლად“ რუსეთის ფედერაციისთვის.

„ახლა საქართველოში პრეზიდენტთან ერთად, რომელიც, მადლობა ღმერთს, არ განსაზღვრავს ქვეყნის განვითარების გზას და უფრო ცერემონიალურ ფუნქციებს ასრულებს, არის ხელისუფლება, რომელიც დასავლეთის უპრეცედენტო წნეხისა და სანქციებთან შეერთების, მეორე ფრონტის გახსნის მოთხოვნის საპასუხოდ ამბობს: „თქვენ იცით, რომ ჩვენ ვხელმძღვანელობთ ეროვნული ინტერესებით. ჩვენ გვაქვს ვაჭრობა რუსეთთან, ტურიზმის და ენერგომატარებლებს ჩვენ ვიღებთ“, - განაცხადა ლავროვმა.