ფოთის მერმა გაეროს ბავშვთა ფონდის წარმომადგენელს საქართველოში ღასან ხალილს უმასპინძლა

ფოთს სამუშაო ვიზიტით გაეროს ბავშვთა ფონდის წარმომადგენელი საქართველოში, ღასან ხალილი ესტუმრა.

აღნიშნულ ინფორმაციას ფოთის მერია ავრცელებს.

ქალაქის მერმა, ბექა ვაჭარაძემ სტუმარს ფოთის მერიაში უმასპინძლა.

„შეხვედრაზე, გაეროს ბავშვთა ფონდთან გაფორმებული ურთიერთთანამშრომლობის მემორანდუმის ფარგლებში განსახორციელებელი ღონისძიებები და დაგეგმილი აქტივობები განიხილეს. „ბავშვზე მორგებული ქალაქების ინიციატივა“, რომელშიც ფოთი 2022 წლიდან ჩაერთო იძლევა შესაძლებლობას ქალაქში ჩატარდეს ბავშვის უფლებათა დაცვის სიტუაციური ანალიზი ბავშვებთან მომუშავე პროფესიონალების და სერვისების მიმწოდებლების მონაწილეობით. მომზადდეს რეკომენდაციების ამსახველი ანგარიში, რომლის საფუძველზეც მუნიციპალიტეტი შეიმუშავებს ბავშვზე მორგებული ქალაქის სამოქმედო გეგმას. ვიზიტის ფარგლებში, ღასან ხალილმა ბავშვზე მორგებული ქალაქის ინიციატივის სამუშაო ჯგუფის წევრებთან გამართა შეხვედრა. ამასთან, ის ესტუმრა ფოთის მე-4 საჯარო სკოლას, სადაც გაეცნო სკოლის მიერ განხორციელებულ პროექტებსა და მიღწევებს. ფოთის მერიის ცნობით, ის ასევე ეწვია ფოთის სკოლამდელ სააღმზრდელო დაწესებულებას და ჩაატარა ლექცია ბავშვთა უფლებების დაცვის მიმართულებით“, - ნათქვამია გავრცელებულ ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო