არჩილ თალაკვაძე - ჩვენ ვიმსახურებთ კანდიდატის სტატუსის მიღებას და ეს ასეც მოხდება

ჩვენ ვიმსახურებთ კანდიდატის სტატუსის მიღებას და ეს ასეც მოხდება,- ამის შესახებ საქართველოს პარლამენტის ვიცე-სპიკერმა, საპარლამენტო უმრავლესობის წევრმა, არჩილ თალაკვაძემ „ტვიტერის“ გვერდზე დაწერა.

თალაკვაძე გამოეხმაურა ევროკომისიის მიერ საქართველოს ევროკავშირის ძირითად კრიტერიუმებთან შესაბამისობის შეფასებას და აღნიშნა, რომ შეფასება ცხადყოფს, საქართველო რეფორმების სწორ გზაზეა.

„ევროკომისიის შეფასება საქართველოს ევროკავშირის ძირითად კრიტერიუმებთან შესაბამისობის შესახებ ცალსახად მიანიშნებს, რომ საქართველო რეფორმების სწორ გზაზეა. ევროკავშირთან ინტეგრაცია ისტორიული არჩევანი და ჩვენი ერის ძლიერი მისწრაფებაა. ჩვენ ვიმსახურებთ კანდიდატის სტატუსის მიღებას და ეს ასეც მოხდება“,- განაცხადა თალაკვაძემ.