გორის რაიონულმა სასამართლომ სრულად გაიზიარა ბრალდების მხარის პოზიცია და შიდა ქართლის ერთ-ერთ მუნიციპალიტეტში, არასრულწლოვანის გაუპატიურების ბრალდებით დაკავებულ ახალგაზრდა მამაკაცს აღკვეთის ღონისძიებად პატიმრობა შეუფარდა.

ცნობისთვის, შსს-ს თანამშრომლებმა არასრულწლოვნის გაუპატიურების ბრალდებით შიდა ქართლში ერთი პირი დააკავეს.

20 წლის მამაკაცი, რომელსაც ბრალად ედება 7 წლის ბავშვის გაუპატიურება, მოზარდის ნათესავია.

მომხდარ ფაქტზე გამოძიება სსკ-ის 137-ე მუხლის მე-4 ნაწილის ,,დ“ ქვეპუნქტით მიმდინარეობს, რაც წინასწარი შეცნობით არასრულწლოვანის მიმართ გაუპატიურებას გულისხმობს და თავისუფლების აღკვეთას ვადით 15-დან 20 წლამდე ან უვადოდ ითვალისწინებს.