ევროკომისიის წარმომადგენელი - ევროკავშირი ზრუნავს და დიდ ძალისხმევას დებს რეგიონების განვითარებაში - გვჯერა, ჩვენი ხელშეწყობით განხორციელებული პროექტები ხალხის ცხოვრებას უკეთესობისკენ შეცვლის

ევროკავშირი ზრუნავს და დიდ ძალისხმევას დებს რეგიონების განვითარებაში და ჩვენ გვჯერა, რომ ჩვენი ხელშეწყობით განხორციელებული პროექტები ხალხისთვისაა, მორგებულია მათ საჭიროებებზე და უკეთესობისკენ შეცვლის მათ ცხოვრებას, - ამის შესახებ ევროკომისიის სამეზობლოს და გაფართოების საკითხებზე მოლაპარაკებების გენერალური დირექტორატის ეკონომიკური ინვესტიციების დეპარტამენტის ხელმძღვანელმა დიანა იაბლონსკამ ევროკომისიის და ევროკავშირის წარმომადგენლებთან ერთად გორში სტუმრობისას განაცხადა.

ევროკომისიისა და ევროკავშირის წარმომადგენლებმა, გორში, ევროკავშირის მხარდაჭერით განხორციელებული პროექტის ფარგლებში ჩატარებული სამუშაოები დაათვალიერეს.

პროექტის ფარგლებში ლომჭაბუკის მონუმენტის, სკვერის და ამავე ტერიტორიაზე არსებული შენობის რეაბილიტაცია განხორციელდა. ასევე მოეწყო გორისციხის ირგვლივ საფეხმავლო ბილიკი, რეაბილიტაცია ჩაუტარდა გორისციხის მიმდებარედ არსებულ რუსთაველის მემორიალს და სკვერს. ამასთანავე, ლომჭაბუკის სკვერში ტურიზმის საინფორმაციო ცენტრი, გორის ეთნოგრაფიული მუზეუმის ტერიტორიაზე კი სახელოსნოები აშენდა. რეაბილიტაცია ჩაუტარდა გორის ძველ, ისტორიულ ხიდსაც. პროექტის საერთო ბიუჯეტი 958 836 ევროა, საიდანაც ევროკავშირისგან გრანტის სახით 600 000 ევრო გამოიყო, ხოლო გორის მუნიციპალიტეტის თანადაფინანსების წილი 358 836 ევროს შეადგენს“, - ნათქვამია გავრცელებულ ინფორმაციაში.

ევროკომისიის და ევროკავშირის წარმომადგენლებს შიდა ქართლის გუბერნატორმა, გორის მერმა და მუნიციპალიტეტის საკრებულოს თავმჯდომარემ უმასპინძლეს.

„ბედნიერები ვართ, რომ დღეს აქ ვართ, ევროკავშირი ზრუნავს და დიდ ძალისხმევას დებს რეგიონების განვითარებაში და ჩვენ გვჯერა, რომ ჩვენი ხელშეწყობით განხორციელებული პროექტები ხალხისთვისაა, მორგებულია მათ საჭიროებებზე და უკეთესობისკენ შეცვლის მათ ცხოვრებას. პროექტის ფარგლებში მოწყობილი ბილიკით ჩვენ დავათვალიერეთ გორისციხე - მნიშვნელოვანი კულტურული მემკვიდრეობის ძეგლი და დარწმუნებული ვარ, ამ ბილიკით საქართველოს არაერთი მოქალაქე ისარგებლებს. ასევე დავათვალიერეთ ტურიზმის და ახალგაზრდობის ცენტრები და დარწმუნებულები ვართ, ამგვარი პროექტები მნიშვნელოვნად შეუწყობს ხელს საზოგადოების და მუნიციპალიტეტის განვითარებას“, - აღნიშნა ევროკომისიის წარმომადგენელმა დიანა იაბლონსკამ.

„გორში არაერთი პროექტი განხორციელდა ევროკავშირის თანადაფინანსებით, მათ შორის, ისეთი პროექტები, როგორიცაა: ლომჭაბუკის სკვერი, გორისციხესთან მისასვლელი ბილიკი, გზა, ეთნოგრაფიულ მუზეუმში არსებული სივრცე, ძველი ხიდი და ა. შ. მოხარულები ვართ, რომ ჩვენი ურთიერთობა უფრო და უფრო ღრმავდება და გვაქვს მოლოდინი, რომ მომავალში კვლავ განხორციელდება ისეთი მნიშვნელოვანი პროექტები, რომლებიც წაადგება როგორც გორს, ასევე რეგიონს“, - განაცხადა შიდა ქართლის სახელმწიფო რწმუნებულმა მიხეილ შაყულაშვილმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია