მომავალ კვირას პარლამენტის საგაზაფხულო სესია გაიხსნება. სესიას 7 თებერვალს პლენარული სხდომით გახსნიან.
საგაზაფხულო სესიის მთავარ საკითხებს 12-პუნქტიანი ევრორეკომენდაციის ფარგლებში ინიცირებული კანონის პროექტების განხილვა და მიღება წარმოადგენს. მათ შორის არის "საერთო სასამართლოების შესახებ" კანონში ცვლილებები და "დეოლიგარქიზაციის შესახებ" კანონი.
გარდა ამისა, პარლამენტის დღის წესრიგში დგას ახალი სახალხო დამცველის, იუსტიციის უმაღლესი საბჭოს არამოსამართლე წევრების და ცესკოს თავმჯდომარის არჩევის საკითხი, რაზეც პოლიტიკურ მხარეებს შორის ამ დრომდე კონსენსუსი ვერ შედგა.
საგაზაფხულო სესიის პირველ ნახევარში პარლამენტი ქვეყნის უმნიშვნელოვანეს საკითხებზე პრეზიდენტ სალომე ზურაბიშვილს მოუსმენს.
7 თებერვლის პლენარული სხდომის დღის წესრიგს ხვალ პარლამენტის ბიურო განსაზღვრავს.