ლევან ხაბეიშვილი - ახლა უფრო ფესვგადგმულია კრემლის აგენტურა ხელისუფლებაში - ჩვენს პრიორიტეტად რჩება ნატო-ში და ევროკავშირში ინტეგრაცია და უკრაინასთან, ცივილიზებულ სამყაროსთან ერთად ბოროტებაზე გამარჯვება

„ნაციონალური მოძრაობა“ იქნება ყველგან, სადაც ხალხის პრობლემებია, სადაც უსამართლოდ ადამიანების ჩაგვრაა, სადაც ჩვენს მოქალაქეს სჭირდება ზურგი და მხარდაჭერა, - ამის შესახებ „ნაციონალური მოძრაობის“ თავმჯდომარემ ლევან ხაბეიშვილმა პარტიის ყრილობაზე სიტყვით გამოსვლისას განაცხადა.

მისი თქმით, „ნაციონალურმა მოძრაობამ“ ხალხს კეთილდღეობა და კონკრეტული პრობლემების გადაჭრის გზები უნდა შესთავაზოს.

„ჩვენი მთავარი პრიორიტეტი იდენტურია 2003 წელთან - ახლაც დასამარცხებელია გაჭირვება, უმუშევრობა, კრიმინალი, უიმედობა და უპერსპექტივობა. ახლა უფრო ფესვგადგმულია კრემლის აგენტურა ხელისუფლებაში და მართვის სადავეები სრულად უპყრია რუსეთის, პუტინის პირად მსახურს ბიძინა ივანიშვილს. ჩვენს პრიორიტეტად კვლად რჩება ნატო-ში და ევროკავშირში ინტეგრაცია და უკრაინასთან, ცივილიზებულ სამყაროსთან ერთად ბოროტებაზე გამარჯვება.

„ნაციონალური მოძრაობა“ იქნება ყველგან, სადაც ხალხის პრობლემებია, სადაც უსამართლოდ ადამიანების ჩაგვრაა, სადაც ჩვენს მოქალაქეს სჭირდება ზურგი და მხარდაჭერა. „ნაციონალურმა მოძრაობამ“ უნდა შევთავაზოთ ჩვენს ხალხს ხვალინდელი დღე, კეთილდღეობა და კონკრეტული პრობლემების გადაჭრის გზები. ჩვენ უნდა შევძლოთ და ჩვენი ქვეყანა ვიხსნათ დაცლისგან. დიახ, სამშობლოდან, ოჯახებიდან მოშორებით არ უნდა გარბოდნენ ჩვენი თანამემამულეები საკუთარი ოჯახის წევრების გამოსაკვებად. საკუთარი თავის რეალიზება უნდა შეძლონ სამშობლოში, გამოადგნენ ქვეყანას და წვლილი შეიტანონ საქართველოს წარმატებაში.

ყველა ქალაქში, რაიონში, უბანში, კორპუსში, თუ დასახლებაში უნდა ვიყოთ ყველგან და დავარწმუნოთ ჩვენი ძმები, დები, დედები, მამები, ბებიები და ბაბუები, რომ ჩვენ შეგვიძლია წარმატებულ ძლიერ, ევროპულ ქვეყანაში ვიცხოვროთ, სადაც უზრუნველყოფილი იქნება თითოეული მათგანის ინტერესები.

ბავშვებს ექნებათ ლაღი და ღიმილიანი ბავშვობა. სტუდენტებს ექნებათ განათლების ხელმისაწვდომობა, ცოდნის და უნარების გამოყენების შესაძლებლობა, იქნება სამუშაო ადგილები, ღირსეული ანაზღაურებით. გავმართავთ საგადასახადო სისტემას და ყველანაირ წნეხს მოვხსნით ბიზნესზე, ხელს შევუწყობთ და ხელს გავუწვდით ინვესტორებს“, - განაცხადა ხაბეიშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია