ბათუმში დელფინარიუმის შენობასთან ხმაური იყო. არასამთავრობო ორგანიზაცია “ვეგან ჯორჯიას” წევრები აქციას მართავდნენ და აცხადებდნენ, რომ „დელფინარიუმი ციხეა და მისი არსებობა დელფინებისთვის დამღუპველია“.

აქციის მონაწილეებთან დელფინარიუმის თანამშრომლები მივიდნენ, რომლებმაც შეკრებილებს სიტყვიერი და ფიზიკური შეურაცხყოფა მიაყენეს და მათ ტერიტორიის დატოვება მოსთხოვეს.

აქციის მონაწილეების თქმით, დელფინარიუმი, ცირკი და ზოოპარკი ცხოველების მიმართ სასტიკი მოპყრობის ადგილია. მათი განცხადებით, მსგავს დაწესებულებებში ცხოველები მენტალურ და ფიზიკურ ტანჯვას განიცდიან.