„ევროპელი დემოკრატების“ ლიდერები - პარტიის თავმჯდომარე პაატა დავითაია, პოლიტიკური საბჭოს თავმჯდომარე ნიკოლოზ ვაშაკიძე და გენერალური მდივანი მამუკა გამყრელიძე სამუშაო ვიზიტით ბრიუსელში გაემგზავრნენ.

„ევროპელი დემოკრატების“ ლიდერები 6–9 თებერვალს ევროპარლამენტში, ევროკომისიაში, ევროპულ საბჭოში და ნატოს საპარლამენტო ასამბლეაში შეხვედრებს გამართავენ. შეხვედრები ასევე გაიმართება ნატო-ს გენერალური სამდივნოს მაღალი რანგის წარმომადგენლებთან და პოლიტიკის ექსპერტებთან.

„ევროპელი დემოკრატების“ პრესსამსახურის ცნობით, შეხვედრების მთავარი საკითხი საქართველოს ევროატლანტიკური კურსი, ევროკავშირსა და ჩრდილოატლანტიკურ ალიანსში გაერთიანებასთან დაკავშირებული გამოწვევები, ევროკომისიის 12 პუნქტიანი გეგმის შესრულება და დემოკრატიული რეფორმების გატარებაა.

შეხვედრები ბრიუსელში 6-9 თებერვალს გაიმართება.