ბათუმის მერი არჩილ ჩიქოვანი UNDP-ის წარმომადგენლებს შეხვდა

მუნიციპალური ტრანსფორმაციის პორტფელის ფარგლებში, ბათუმის მერმა არჩილ ჩიქოვანმა UNDP-ის წარმომადგენლებთან შეხვედრა გამართა.

ბათუმის მერიის ინფორმაციით, შეხვედრაზე პროექტის ფარგლებში განხორციელებულ აქტივობებზე ისაუბრეს და სამომავლო გეგმები განიხილეს.

„მიმდინარე წელს ბათუმის მერიამ მუნიციპალური ტრანსფორმაციის პორტფელის შექმნისთვის გრანტი მოიპოვა, რომლის ფარგლებშიც, UNDP-თან ერთად, პროექტ „სტარტაპ ეკოსისტემას“ ვიწყებთ. პროცესში ჩართულები არიან CHÔRA Foundation-ის ექსპერტები და გამოცდილი სპეციალისტები. ისინი აქტიურად გვეხმარებიან ამ პროექტის სრულყოფილად განხორციელებაში. ჩვენ უკვე გადავდგით ნაბიჯები: გამოვყავით ფართი, რომელიც სტარტაპერებისთვის ერთგვარი ჰაბი იქნება. ეს იმ ადამიანებისთვის, რომლებსაც ბათუმისთვის სასიკეთო იდეები და ახალგაზრდული ინიციატივები გააჩნიათ. პროექტი სამომავლოდ წარმოაჩენს ჩვენს ქალაქს, როგორც რეგიონულ ჰაბს“ - განაცხადა არჩილ ჩიქოვანმა.

„პორტფელის შემუშავება „მერები ეკონომიკური ზრდისთვის“ (M4EG) - პროექტის ფარგლებში ხორციელდება. ბათუმის მერიას, UNDP-სა და GITA-ს შორის მემორანდუმი გაფორმდა, ქალაქში სტარტაპ ეკოსისტემის განვითარებისა და თანამშრომლობის მიზნით. ასევე, წარდგენილია განაცხადი ევროკავშირის ექსპერიმენტების ფონდის მიერ გამოცხადებულ იდეების კონკურსში. დაგეგმილია და მიმდინარეობს მუშაობა ახალგაზრდებში მეწარმეობის, სტარტაპების და ინოვაციების კულტურის წახალისების მიზნით, ბათუმის საქართველოს მეორე სტარტაპ დედაქალაქად გარდაქმნისა და საერთაშორისო პლატფორმებზე მისი, როგორც სტარტაპ ქალაქის პოზიციონირების მიზნით. შეხვედრას ბათუმის ვიცემერი ლევან დავითაძე, მერები ეკონომიკური ზრდისთვის (M4EG) პროექტის მენეჯერი საქართველოში - თინათინ ტყეშელაშვილი, სწრაფი განვითარების ლაბორატორიის ხელმძღვანელი იგორ იზოტოვი და CHÔRA Design-ის კონსულტანტი ეკინ კარელი ესწრებოდნენ”, - ნათქვამია გავრცელებულ ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო