ლევან ხაბეიშვილი - კარგია, რომ საერთაშორისო ზეწოლის შედეგად, ფაქტობრივად, უკვე ბოლოში გავიდა პროცესი და დღეს იქნება თუ უახლოეს დღეებში, გადაწყვეტილების გამოცხადება მოუწევს მოსამართლეს

მოსამართლეს მოუწევს ძალიან მარტივი არჩევანის გაკეთება - ის ან სამართლებრივ გადაწყვეტილებას აცხადებს, რომლის შესაბამისადაც ცხადია ყველა მტკიცებულება არსებობს, რომ პრეზიდენტი სააკაშვილი იქნას გადაყვანილი და მეორე პოლიტიკურად ნაკარნახევი გადაწყვეტილება, რომელიც ცხადია, იქნება კრემლიდან ბიძინა ივანიშვილის გავლით, - ამის შესახებ „ნაციონალური მოძრაობის“ თავმჯდომარემ ლევან ხაბეიშვილმა საქალაქო სასამართლოსთან განაცხადა, სადაც დღეს მიხეილ სააკაშვილისთვის სასჯელის გადავადების ან სასჯელის გაუქმების შესახებ იმსჯელებენ.

ხაბეიშვილის შეფასებით, სასამართლო პროცესი გაიწელა, თუმცა საერთაშორისო ზეწოლის ფონზე, მოსამართლეს დღეს ან უახლოეს დღეებში გადაწყვეტილების გამოცხადება მოუწევს.

„პირველ რიგში მნიშვნელოვანია, რომ ამ თვეების განმავლობაში იწელებოდა ეს პროცესები ნაცვლად იმისა, რომ სწრაფად დასრულებულიყო. ყოველდღიურად მძიმდება პრეზიდენტ სააკაშვილის ჯანმრთელობის მდგომარეობა. კარგია, რომ საერთაშორისო ზეწოლის შედეგად, ფაქტობრივად, უკვე ბოლოში გავიდა პროცესი და დღეს იქნება თუ უახლოეს დღეებში, გადაწყვეტილების გამოცხადება მოუწევს მოსამართლეს. მოსამართლეს მოუწევს ძალიან მარტივი არჩევანის გაკეთება - ის ან სამართლებრივ გადაწყვეტილებას აცხადებს, რომლის შესაბამისადაც, ცხადია, ყველა მტკიცებულება არსებობს, რომ პრეზიდენტი სააკაშვილი იქნას გადაყვანილი იმ ქვეყანაში, სადაც მის ჯანმრთელობასა და სიცოცხლეს არ შეექმნება საფრთხე. (იცით, რომ მზად არის მაგალითად პოლონეთის ხელისუფლება, რომ თავად უზრუნველყოს პრეზიდენტ სააკაშვილისთვის ტრანსპორტირებაც, მის ჯანმრთელობასა და სიცოცხლეზე აიღოს პასუხისმგებლობა). მეორეა პოლიტიკურად ნაკარნახევი გადაწყვეტილება, რომელიც ცხადია, იქნება კრემლიდან ბიძინა ივანიშვილის გავლით. ეს ორი არჩევანი აქვს მოსამართლეს გასაკეთებელი. დაველოდოთ, დღეს იქნება თუ უახლოეს 2-3 დღეში, ამ გადაწყვეტილების გამოცხადება მოუწევს“,- განაცხადა ხაბეიშვილმა.

კითხვაზე, რა გეგმა აქვს „ნაციონალურ მოძრაობას“ იმ შემთხვევაში, თუ მოსამართლე მიხეილ სააკაშვილისთვის სასჯელის გადავადებაზე ან გაუქმებაზე უარს იტყვის, ხაბეიშვილმა აღნიშნა, რომ ამ შემთხვევაში გეგმა მოქმედებას უკავშირდება.

„გეგმა უკავშირდება მოქმედებას, საპროტესტო მოძრაობას და სახალხო პროტესტს, ცხადია საზოგადოებას ამის შესახებ დეტალური ინფორმაცია ექნება“,- განაცხადა ხაბეიშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო