შალვა პაპუაშვილი ომბუდსმენობის კანდიდატებზე - საიდან მოდის არადემოკრატიულობით გაჟღენთილი აზრები, რომ ლეგიტიმაცია შეიძლება ჰქონდეს პირს, რომელსაც მას მოსახლეობის უმრავლესობა არ აძლევს?! დემოკრატიის რომელ წიგნში ამოიკითხეს?!

რა თქმა უნდა, თუკი ვინმეს უნდა მოსწონდეს სახალხო დამცველის კანდიდატი, ეს უპირველეს ყოვლისა „ქართული ოცნებაა“, ვინაიდან „ქართულ ოცნებას“ აქვს უმრავლესობა პარლამენტში, „ქართული ოცნება“ წარმოადგენს ხალხის უმრავლესობას, - ამის შესახებ პარლამენტის თავმჯდომარე შალვა პაპუაშვილმა პლენარულ სხდომაზე, საქართველოს პარლამენტის 2022 წლის საქმიანობის ანგარიშსა და 2023 წლის სამოქმედო გეგმის წარდგენისას განაცხადა.

მისი თქმით, თუ ყველა საკუთარი თავის და საკუთარი ამომრჩევლის წინაშე პასუხისმგებლობით მიიღებს გადაწყვეტილებას, სახალხო დამცველთან დაკავშირებით შეთანხმება შედგება.

„მიზეზი რატომაც ვერ შედგა სახალხო დამცველის არჩევა, ჩემი შეფასებით, არის სწორედ ის, რომ გარკვეულმა ჯგუფებმა სცადეს, რომ ჩარჩოში მოექციათ თავისუფალი მანდატის მქონე დეპუტატები. პირდაპირ დადგა ულტიმატუმი, ან ამ სამი კანდიდატიდან იქნება არჩეული, ან არ იქნება. საპარლამენტო უმრავლესობა ამ მხრივ ძლიერია ვინაიდან ჩვენ ჩვენი ამომრჩევლების რაოდენობიდან გამომდინარე, რა თქმა უნდა, ეს სიძლიერე გვაქვს, თუმცა იმ საპარლამენტო პარტიებს, რომლებსაც აქვთ დაბალი ელექტორალური მხარდაჭერა მათზე, რა თქმა უნდა, ახდენს გავლენას როდესაც ე.წ. გავლენიანი არასამთავრობო ორგანიზაციები ასეთ ჩიხურ მდგომარეობაში აყენებენ.

მე საჯაროდ მივმართე არასამთავრობო ორგანიზაციებს, რომ აცადონ ხალხის მიერ რჩეულ ადამიანებს განახორციელონ საკუთარი უფლებამოსილება, რომელიც მინიჭებული აქვთ კონსტიტუციით და ნუ შეეცდებიან არასათანადო ზეგავლენის მოხდენას თავისუფალი მანდატის მქონე პარლამენტის წევრებზე. გარწმუნებთ, რომ თუკი ყველა საკუთარი თავის და საკუთარი ამომრჩევლის წინაშე პასუხისმგებლობით მიიღებს გადაწყვეტილებას, ჩვენ შევძლებთ ამ შეთანხმებას, რადგან ჩვენ ვართ პოლიტიკოსები და პოლიტიკოსებმა ყველაზე კარგად იციან როგორ უნდა მოხდეს კომპრომისი.

პირად საუბრებში ვატყობდი, რომ იყო შესაძლებლობა 19 კანდიდატში გამონახულიყო ის კანდიდატი, რომელიც ყველასთვის მისაღები იქნებოდა, თუმცა სწორედ იმიტომ, რომ რატომღაც გარკვეულმა ჯგუფებმა შექმნეს იმის აღქმა, რომ თითქოს სახალხო დამცველი უნდა იყოს ადამიანი, რომელიც არ მოსწონს საპარლამენტო უმრავლესობას. საიდან მოდის ასეთი სასწაული არადემოკრატიულობით გაჟღენთილი აზრები, რომ თურმე ლეგიტიმაცია შეიძლება ჰქონდეს ადამიანს, რომელსაც ლეგიტიმაციას არ აძლევს მოსახლეობის უმრავლესობა?! არ ვიცი, რომელი დემოკრატიის წიგნში ამოიკითხეს. რა თქმა უნდა, თუკი ვინმეს უნდა მოსწონდეს სახალხო დამცველის კანდიდატი, ეს უპირველეს ყოვლისა „ქართული ოცნებაა“, ვინაიდან „ქართულ ოცნებას“ აქვს უმრავლესობა პარლამენტში, „ქართული ოცნება“ წარმოადგენს ხალხის უმრავლესობას. რადგან ჩვენ საუბარი გვაქვს სახალხო დამცველზე, რა თქმა უნდა, თუ ვინმეს სიტყვას უნდა ჰქონდეს მნიშვნელობა, ეს არის „ქართული ოცნება“. ჩვენ გვაქვს კვალიფიციური უმრავლესობა, სადაც სხვების სიტყვებიც არის მნიშვნელოვანი და თანაბრად მნიშვნელოვანი. ჩვენ დავიღალეთ კიდეც ამ ტერმინის გამოყენებით, ეს უნდა იყოს თანაბრად მისაღები იმ კვალიფიციური უმრავლესობისთვის, რომელიც საჭიროა“, - განაცხადა შალვა პაპუაშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია