თელავში, „სოფლის მხარდაჭერის პროგრამის“ ფარგლებში მოსახლეობასთან შეხვედრები გრძელდება
„სოფლის მხარდაჭერის პროგრამის“ ფარგლებში, თელავის მუნიციპალიტეტის მერი ლევან ანდრიაშვილი თეთრიწყლების, ნადიკვრის, პანტიანის, სეროდანის და კობაძეს მოსახელობას შეხვდა. ინფორმაციას თელავის მუნიციპალიტეტის მერია ავრცელებს.
მათივე ცნობით, თეთრიწყლებში ადგილობრივებმა პრიორიტეტულ საკითხებად სკოლის ეზოსა და სპორტული მოედნის შემოღობვა, ასევე საბავშო ბაღის სახურავის რეაბილიტაცია დაასახელეს.
„ნადიკვრის მცხოვრებლების გადაწყვეტილებით, პრიორიტეტები შემდეგნაირად გადანაწილდა: სავარგულებთან მისასვლელი გზის მოხრეშვა და ბოგირების მოწყობა, სკვერის მოწყობა შესაბამისი ინვენტარით.
კობაძეში ადგილობრივებმა სასაფლაოსთან მისასვლელი გზის და შიდა საუბნო გზების მოხრეშვა, სასაფლაოს შემოღობვა, წყარომდე მისასვლელი ბილიკის მოაჯირით მოწყობა მოითხოვეს.
სეროდანსა და პანტიანში კი პრიორიტეტულ საკითხად ორი სოფლის დამაკავშირებელი გზის მოხრეშვა და სასაფლაოს შემოღობვა დასახელდა“, -აღნიშნულია ინფორმაციაში.
