გიორგი ბარამიძე - მიხეილ სააკაშვილის ახირება არ არის, რომ უნდა განთავისუფლდეს, ადამიანის ჯანმრთელობის მდგომარეობა, რომელიც ტყვეობაში ყოფნის დროს დაუზიანდა, უკიდურესად მძიმეა - ბუნებრივია პროტესტი გაგრძელდება

ჩვენი აქ ყოფნის მიზანია პროტესტის გამოხატვა, ეს არ არის მხოლოდ „ნაციონალური მოძრაობის“ წევრების და მეგობრების აღშფოთება. ყველა ნორმალური ადამიანი საქართველოში და ქვეყნის გარეთ აღშფოთებულია იმით, რასაც უყურებს, - ამის შესახებ „ნაციონალური მოძრაობის“ წევრმა, გიორგი ბარამიძემ იუსტიციის სამინისტროსთან „ნაციონალური მოძრაობის“ მიერ ორგანიზებულ აქციაზე განაცხადა.

ბარამიძის თქმით, მესამე პრეზიდენტის მიხეილ სააკაშვილის მკურნალობის გათავისუფლების მიზნით ბრძოლა გაგრძელდება სამართლებრივი გზით და ასევე ბიძინა ივანიშვილზე საერთაშორისო საზოგადოების ზეწოლით.

„პუტინის ტყვეობაში მყოფი, საქართველოს თანამედროვე სახელმწიფოებრიობის შემქმნელის, მიხეილ სააკაშვილის გამოცხადებული მკვლელობის ქრონიკაა. რეჟიმი გულგრილია ადამიანისადმი, პასუხისმგებლობას არ გრძნობს საქართველოს კანონმდებლობის წინაშე. ექიმების დიაგნოზიდან გამომდინარე მიხეილ სააკაშვილს ეკუთვნის, როგორც მინიმუმ სასჯელის გადავადება. საერთოდ არ უგდებენ ყურს, რას ლაპარაკობენ ქართველი ექიმები, უცხოელი ექიმები. მიხეილ სააკაშვილის ახირება არ არის, რომ ის უნდა განთავისუფლდეს, ადამიანის ჯანმრთელობის მდგომარეობა, რომელიც მას დაუზიანდა ტყვეობაში ყოფნის დროს, არის უკიდურესად მძიმე. შეიძლება მივიღოთ ფატალური შედეგი - ეს თქვეს ქართველმა და უცხოელმა ექიმებმა, აქედან გამომდინარე ბუნებრივია ეს პროტესტი, რომელიც რა თქმა უნდა, გაგრძელდება.

გაგრძელდება მეორე გზა, სამართლებრივი გზა, მათ შორის, ადამიანის უფლებათა სასამართლოში. ასევე მესამე გზა, საერთაშორისო საზოგადოების ზეწოლა ბიძინა ივანიშვილზე. გაგრძელდება ევროკავშირელი და ამერიკელი მეგობრების მხრიდან უფრო მეტი აქტიურობა. იმედი გვაქვს, რომ ეს ყველაფერი კომბინაციაში შედეგს გამოიღებს და შევძლებთ ადამიანის სიცოცხლის გადარჩენას“, - განაცხადა ბარამიძე.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია