მარნეულის მუნიციპალიტეტის კულტურის ცენტრის ორგანიზებით საქველმოქმედო ღონისძიება, სახელწოდებით „ანისთვის" გაიმართა. ამის შესახებ ინფორმაციას მარნეულის მერია ავრცელებს.

როგორც გავრცელებულ ინფორმაციაშია აღნიშნული, მარნეულელი მუსიკოსი ანი ნოზაძე იშემიური ინსულტით ერთ თვეზე მეტია საავადმყოფოში იმყოფება, მას საზოგადოების დახმარება ესაჭიროება.

საქველმოქმედო კონცერტს ადგილობრივი თვითმმართველობის წარმომადგენლები ესწრებოდნენ. შემოსული თანხა ანის მკურნალობას მოხმარდება.

ღონისძიებაში მონაწილეობას ადგილობრივი შემოქმედებითი ჯგუფები და ანის მეგობრები იღებდნენ.

„ჩვენი თანადგომა და მხარდაჭერა ანი ნოზაძეს. ნიჭიერ ახალგაზრდას მარნეულიდან, რომელსაც სჭირდება ჩვენი გვერდით დგომა. დღეს, მთელი მარნეული მის გვერდით დგას. მალე გამოჯანმრთელებას ვუსურვებთ ანის", - აცხადებს მარნეულის მუნიციპალიტეტის მერი, კენან ომაროვი.

დახმარების მსურველებს თანხის ჩარიცხვა შეუძლიათ მითითებულ ანგარიშებზე: „თიბისი ბანკი“: #GE17TB7894245068100007 მიმღები: ხათუნა გიორგაძე „ტერა ბანკი“: #GE80KS0036010115185901 ; მიმღები: ხათუნა გიორგაძე.