შალვა პაპუაშვილი - მნიშვნელოვანია, რადიკალური ჯგუფები რაც შეიძლება მეტად გაირიყონ პოლიტიკიდან - პრობლემა ის კი არაა, „ნაცმოძრაობის“ დეპუტატები პარლამენტის დარბაზში არიან თუ არა, არამედ პრობლემა მათ პოლიტიკურ ფილოსოფიაშია

მნიშვნელოვანია, რომ რადიკალური ჯგუფები რაც შეიძლება მეტად გაირიყონ პოლიტიკიდან, რადგან მათ პროცესებისთვის ხელის შეშლა შეუძლიათ - პრობლემა ის კი არაა, „ნაციონალური მოძრაობის“ დეპუტატები პარლამენტის დარბაზში არიან თუ არა, არამედ პრობლემა მათ პოლიტიკურ ფილოსოფიაშია,- ამის შესახებ პარლამენტის თავმჯდომარე შალვა პაპუაშვილმა ჟურნალისტებს განუცხადა.

მისი თქმით, რადიკალიზმს ყველა პარტია უნდა გაემიჯნოს.

„საქართველოსთვის რადიკალიზაცია გამოწვევაა. მნიშვნელოვანია, რომ რადიკალური ჯგუფები რაც შეიძლება მეტად გაირიყონ პოლიტიკიდან. თუ ისინი პოლიტიკის ნაწილი იქნებიან, პროცესებისთვის ხელის შეშლა შეუძლიათ, ყოველ შემთხვევაში შეუძლიათ ერთდღიანი შფოთვების შემოტანა პოლიტიკაში. ამიტომ მნიშვნელოვანია ცალსახა და მტკიცე პოზიციის დაკავება ყველა პარტიის მხრიდან. „ქართულ ოცნებას“ აქვს რადიკალიზმის მიმართ მტკიცე პოზიცია, მაგრამ ყველა პარტია უნდა გაემიჯნოს რადიკალიზმს. რაც შეეხება „ნაციონალური მოძრაობის“ მოქმედებას, გასაგებია, რომ არ შეუძლიათ, ქვეყანას რაიმე კონსტრუქციული შესძინონ. ერთადერთი ეს არის ის, რომ რაიმენაირად იქნებ შეძლონ, რომ ქვეყანას ზიანი მიაყენონ. ვნახეთ, რომ ფულს იხდიან ამაში - მილიონი ამერიკული დოლარია გადახდილი იმისთვის, რომ საქართველოს რეპუტაცია დაზიანდეს. ბოლო ორი თვეა საქართველო პროპაგანდისტული კამპანიის სამიზნეა, რასაც „ნაციონალური მოძრაობა“ უდგას სათავეში“,- განაცხადა შალვა პაპუაშვილმა.

შალვა პაპუაშვილის განცხადებით, პრობლემა „ნაციონალური მოძრაობის“ მსგავსი პოლიტიკური ძალის არსებობაა და არა ის, მის წევრებს საპარლამენტო მანდატები აქვთ თუ არა.

„როდესაც ფორმალურად არ იყვნენ ბოიკოტში, არც მაშინ მატებდნენ რამეს საპარლამენტო საქმიანობას და ბოიკოტითაც დიდად არაფერი აკლდება. პრობლემა ის კი არაა, „ნაციონალური მოძრაობის“ სიით გასული დეპუტატები პარლამენტის დარბაზში არიან თუ არა, არამედ პრობლემა მათ პოლიტიკურ ფილოსოფიაშია, ეს უქმნის პრობლემას საქართველოს. გამოწვევა არის „ნაციონალური მოძრაობის“ პოლიტიკური ფილოსოფია, რომელიც ძალადობაზეა დაფუძნებული. ვიხილეთ, რომ „ნაციონალური მოძრაობა“ ოპონენტებს ოჯახებში უვარდება. როდესაც ასეთი პოლიტიკური ძალა არსებობს, ეს არის პრობლემა და არა ის, მათ მანდატი აქვთ თუ არა“,- განაცხადა შალვა პაპუაშვილმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია