„თავისუფლება მიშას“ „მიშამ უნდა იცოცხლოს“ - ამ მოთხოვნით სიღნაღში საპროტესტო აქცია გაიმართა

„თავისუფლება მიშას“ „მიშამ უნდა იცოცხლოს“ - ამ მოთხოვნით სიღნაღში საპროტესტო აქცია გაიმართა.

ოპოზიციური პარტიის მხარდამჭერები და ლიდერები მერიასთან შეიკრიბნენ და პატიმარ მიხეილ სააკაშვილს მხარდაჭერა გამოუცხადეს.

აქციის ერთ-ერთი მონაწილის, „ნაციონალური მოძრაობის“ წევრის, გიორგი ბოტკოველის თქმით, სიმბოლურია, მიხეილ სააკაშვილს მხარდაჭერას სიღნაღიდან უცხადებენ, რადგან სწორედ სიღნაღი იყო ერთ-ერთი ქალაქი, რაც მათი ხელისუფლებაში ყოფნის პერიოდში გაკეთდა.

მისივე თქმით, ამ ეტაპზე ხალხის რაოდენობას მნიშვნელობა არ აქვს, რადგან ისინი საკუთარ ძალას აჩვენებენ ხელისუფლებას, რაც საბოლოო შედეგს გამოიღებს.

აქციაზე ლიდერების სიტყვით გამოსვლას ერთ-ერთი ადგილობრივისგან მცირე ინციდენტიც მოჰყვა, რომელმაც განაცხადა, რომ ყოფილმა ხელისუფლებამ ქონება წაართვა და ოპოზიციის პროტესტი მისთვის მიუღებელია.

სიღნაღის მერიასთან აქცია, დაახლოებით, ერთი საათის განმავლობაში მიმდინარეობდა და 50-ზე მეტი ადამიანი ესწრებოდა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო