ერთიანობა არის „ნაციონალურ მოძრაობაში“, ერთიანობა არის ხალხში და ეს პროტესტი უკავშირდება პრეზიდენტ სააკაშვილის ჯანმრთელობას, სიცოცხლეს და ჩვენს ევროპულ მომავალს, - ამგვარად პასუხობს „ნაციონალური მოძრაობის” თავმჯდომარე ლევან ხაბეიშვილი კითხვას, რამდენად არის ერთსულოვნება პარტიაში მიმდინარე აქციებთან დაკავშირებით.

მისი თქმით, პროტესტი იქნება ყველა რაიონში და თავს მოიყრის იქ, „სადაც არის მთავარი ბოროტება და ეს ბოროტება უკავშირდება რუს ოლიგარქს“.

„ეს ყველაფერი არის ერთმანეთზე გადაჯაჭვული და ამაზე საუბრობენ ჩვენი ევროპელი კოლეგები, ის ადამიანები, ვინც არიან ჩვენი ქვეყნის მეგობრები და ვინც წლებია, მათ შორის იგივე გელათის აღდგენაში თავის დროზე ძალიან დიდი თანხები აქვთ დახარჯული, იგივე აშშ-ს, იგივე ევროკავშირს, სხვადასხვა ქვეყანას, რომლებიც გვეხმარებიან ჩვენი კულტურული მემკვიდრეობის აღდგენაში, დაფინანსებაში, რესტავრაციაშიც და ყველაფერში. ამიტომ ცხადია, ეს ადამიანები უყურებენ ჩვენს ქვეყანას, როგორც ევროპული ოჯახის წევრს, მხოლოდ ვხედავთ, რომ კარებში გაჩხერილია ბიძინა ივანიშვილი. ყველა ქალაქში, ყველა რაიონში იქნება პროტესტი და ცხადია, საბოლოო ჯამში სახალხო პროტესტი თავს მოიყრის იქ, სადაც არის მთავარი ბოროტება და მთავარი ბოროტება უკავშირდება ამ ქვეყანაში რუს ოლიგარქს ბიძინა ივანიშვილს", -განაცხადა ლევან ხაბეიშვილმა.