„შენი იდეა ბათუმს“ - ხმის მიცემის პროცესი დაიწყო. ამის შესახებ ინფორმაციას ბათუმის მერია ავრცელებს.
ბათუმის მერიის ცნობით, ბათუმში რეგისტრირებული მოქალაქეები ხმის მიცემას ექვსიდან სამი სასურველი პროექტისთვის, 21 თებერვლის ჩათვლით, ვებგვერდზე https://idea.batumi.ge/ შეძლებენ.
მათი ინფორმაციით, გამარჯვებულად ჩაითვლება ის იდეა ან იდეები, რომლებიც საერთო ხმების 20%-ს მიიღებენ.
„ხმის მიცემისთვის აუცილებელია ერთჯერადი რეგისტრაციის გავლა ბმულზე: https://idea.batumi.ge/registration გამარჯვებული იდეები ბათუმის მერიის 2023 წლის ბიუჯეტიდან 1 მილიონი ლარით დაფინანსდება. წარმოდგენილი იდეებია: https://bit.ly/3YBxRkt . „თანამედროვე წყლის სოკოები“; „ბათუმის ისტორიული ძეგლების QR -კოდები“; „გიგანტური პიანინო“; „ქუჩის მოლბერტები“; „ჩვენი ბათუმელი ცუგუნები“; „ადაპტირებული ბათუმი““, -აღნიშნულია ინფორმაციაში.