“თავისუფლება მიშას“- ამ მოწოდებით შეკვეთილში, ბიძინა ივანიშვილის სახლთან აქცია მიმდინარეობს.
ადგილზე პარტია “ნაციონალური მოძრაობის“ ლიდერები და მხარდამჭერები არიან შეკრებილები. აქციის მონაწილეები, საქართველოს მესამე პრეზიდენტის გათავისუფლებას მოითხოვენ.
მათი თქმით, მიხეილ სააკაშვილი გადასარჩენია.
აქციაზე გამოფენილია საქართველოსა და უკრაინის დროშები. შეკრებილები პროტესტს საყვირებით და ტრანსპარანტებით გამოხატავენ.
„რეალურად, ამ ქვეყანაში გადაწყვეტილების მიმღები არის ერთადერთი ადამიანი, ეს არის რუსი ოლიგარქი ბორინკა ივანიშვილი, რომელიც არის პირდაპირ პუტინის და კრემლის მოკავშირე. ის არის დავალების შემსრულებელი და ამ სიბინძურის ჩამდენი. ის, რომ მიხეილ სააკაშვილი, საქართველოს მესამე პრეზიდენტი, რომელიც დაუპირისპირდა პუტინს, პრაქტიკულად სასიკვდილო განაჩენი გამოუტანეს, დატოვეს პატიმრობაში, ეს არის ბორინკა ივანიშვილის კისერზე და მოვედით ზუსტად იქ, სადაც ეს უნდა გავაპროტესტოთ იმიტომ, რომ დანარჩენები არიან მარიონეტები, რასაც ჩასძახებენ იმას ამოსძახებენ“, - განაცხადა დავით მჟავანაძემ.