შეკვეთილში, ბიძინა ივანიშვილის სახლთან „ნაციონალური მოძრაობის“ აქცია დასრულდა

შეკვეთილში, ბიძინა ივანიშვილის სახლის მიმდებარე ტერიტორიაზე „ნაციონალური მოძრაობის“ ორგანიზებული აქცია დასრულდა.

აქციის დასასრულს საქართველოსა და უკრაინის სახელმწიფო ჰიმნები გაჟღერდა.

აქციის ორგანიზატორების განცხადებით, საქართველოს მესამე პრეზიდენტის, მიხეილ სააკაშვილის გათავისუფლების მოთხოვნით აქციები გაგრძელდება.

„საპროტესტო აქციები სხვადასხვა ქალაქში გაგრძელდება. მაღალი თანამდებობის პირებმა, ასევე, ბიძინა ივანიშვილმა უნდა იცოდეს, რომ მშვიდი პოლიტიკური ცხოვრება ვერ იქნება. დღეს ჩვენ მშვიდობიანი, გამაფრთხილებელი აქციები გვაქვს, საბოლოო ჯამში, ეს პროტესტი აზვირთდება და თავს მოიყრის დედაქალაქის ცენტრში, შემდეგ უკვე რა განაჩენს გამოუტანს ქართველი ხალხი ივანიშვილს და მის კრიმინალურ დაჯგუფებას, დაველოდოთ.

ხალხი არის მსაჯული, ხალხი არის გადაწყვეტილების მიმღები და დარწმუნებული ვარ პუტინის ტყვე მიხეილ სააკაშვილი იქნება თავისუფალი, ჩვენი ქვეყანაც იქნება თავისუფალი. ვისაც გაქვთ პროტესტის გრძნობა, გამოდით გარეთ, გამოხატეთ თქვენი უკმაყოფილება და მე ვარ გარანტი, საბოლოო ჯამში მე უზრუნველვყოფ, „ნაციონალური მოძრაობა“ უზრუნველყოფს თქვენს ჩამოყვანას, მობილიზებას დედაქალაქში. დაელოდოს ბიძინა ივანიშვილი და კრემლის პროპაგანდისტები ხალხის რისხვას”, - განაცხადა “ნაციონალური მოძრაობის” თავმჯდომარე ლევან ხაბეიშვილმა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო