შალვა პაპუაშვილი - „ნაციონალურმა მოძრაობამ“ სააკაშვილისთვის დახარჯული მილიონი დოლარით ერთადერთი ის შეძლო, რომ ქვეყნის შიგნით თუ გარეთ დაკვეთილი სტატიები იწერება და სხვადასხვა ლოკაციაზე 20 ადამიანი იკრიბება

„ნაციონალურმა მოძრაობამ“ მიხეილ სააკაშვილისთვის დახარჯული მილიონი დოლარით ერთადერთი ის შეძლო, რომ ქვეყნის შიგნით თუ გარეთ დაკვეთილი სტატიები იწერება და სხვადასხვა ლოკაციაზე 20 ადამიანი იკრიბება, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც მან ჟურნალისტებთან აღნიშნა, ყველამ უნდა გაძლოს ზეწოლას, რომელსაც მიხეილ სააკაშვილისთვის სამართლებრივი პასუხისმგებლობის თავიდან ასაცილებლად იყენებენ.

„ჩვენ რასაც ბოლო თვეების განმავლობაში ვხედავთ, ეს არის ტალღა, რომელიც ვიცით თუ რა ღირს. მილიონ დოლარზე მეტია დახარჯული იმისთვის, რომ ქართულ მართლმსაჯულებაზე სხვადასხვა გზით ზეწოლა მოახდინონ. ზეწოლა ხან პრეზიდენტზეა, ხან პარლამენტზე, ხან მთავრობასა და მინისტრებზე. არის ჯგუფი და არის თანხა, რომელიც მათ უკან დგას. ეს იმისთვის, რომ მიხეილ სააკაშვილს სამართლებრივი პასუხისმგებლობა თავიდან ააცილონ. ეს მართლმსაჯულებაში ჩარევის ჩვეულებრივი მცდელობაა. ჩვენ ყველამ ამ ზეწოლას უნდა გავუძლოთ.

საერთო ჯამში, ვხედავთ, რომ ამას შედეგი არ აქვს. ამ დახარჯული ფულით, ერთადერთი რაც შეძლეს არის ის, რომ ქვეყნის შიგნით თუ გარეთ დაკვეთილი სტატიები იწერება და სხვადასხვა ლოკაციაზე 20 ადამიანი იკრიბება“, - განაცხადა შალვა პაპუაშვილმა.

ასევე, როგორც მან აღნიშნა, შეუძლებელია, ქართველი ხალხი იმ ჯგუფის გვერდით დადგეს, რომელიც დამნაშავის სასჯელაღსრულების დაწესებულებიდან გათავისუფლებას ითხოვს და მნიშვნელოვანია, რომ „ნაციონალურ მოძრაობას“ ყველა გაემიჯნოს.

მისივე თქმით, მიხეილ სააკაშვილის საკითხს ხალხის მხარდაჭერა არ აქვს.

„მნიშვნელოვანია, რომ პარტია „ნაციონალურ მოძრაობას“ ყველა გაემიჯნოს. ის ევროპული „სახალხო პარტიის“ ოჯახის წევრია და ბოლო პერიოდი ადამიანის დაშინებითაა დაკავებული. ადამიანებს ოჯახებში უვარდებიან, რაც აბსოლუტურად მიუღებელი პოლიტიკური ქცევაა. ეს იგივე ქცევაა, რაც ამ პარტიას ხელისუფლებაში ყოფნის დროს ჰქონდა. ერთადერთი, რითაც განსხვავდებიან, არის ის, რომ აღარ აქვთ ძალაუფლების ბერკეტები და ხალხის მხარდაჭერა.

შეუძლებელია, ქართველი ხალხი იმ ჯგუფის გვერდით დადგეს, რომელიც დამნაშავის სასჯელაღსრულების დაწესებულებიდან გათავისუფლებას ითხოვს. ამ ჯგუფმა ადამიანის ჩაგვრის სისტემა და რეჟიმი შექმნა. წელიწადზე მეტია, რაც მიხეილ სააკაშვილი საავადმყოფოში იმყოფება და იქ იხდის სასჯელს”, - განაცხადა შალვა პაპუაშვილმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია