„თავისუფლება მიშას“- ამ მოწოდებით ფოთში  აქცია მიმდინარეობს

„თავისუფლება მიშას“- ამ მოწოდებით ფოთში აქცია მიმდინარეობს. მერიის ადმინისტრაციულ შენობასთან „ნაციონალური მოძრაობის“ ლიდერები და მხარდამჭერები არიან შეკრებილი. აქციის მონაწილეები, საქართველოს მესამე პრეზიდენტის გათავისუფლებას მოითხოვენ. მათივე თქმით, მიხეილ სააკაშვილი გადასარჩენია.

„ჩვენ ყველაფერი უნდა გავაკეთოთ იმისათვის, რომ მიხეილ სააკაშვილი გავათავისუფლოთ. არ გვაქვს უფლება კიდევ ერთი პრეზიდენტი მოვკლათ. სწორედ, მიხეილ სააკაშვილის გათავისუფლებასთან გადის პირდაპირი გზა, ჩვენი არსებობა ევროპულ ოჯახში, ჩვენი ინტეგრაცია დასავლურ ცივილურ სამყაროსთან. ჩვენ აქ შევიკრიბეთ ჩვენი შვილების უკეთესი მომავლისათვის, ევროპული მომავლისათვის“, - განაცხადა ,,ნაციონალური მოძრაობის" წევრმა დავით ხომერიკმა.

ადგილზე პოლიციაა მობილიზებული.