ქუთაისის მერი იოსებ ხახალეიშვილი იმ სტუდენტებს შეხვდა, რომლებმაც მერის სტიპენდიები მოიპოვეს. ინფორმაციას ქუთაისის მერია ავრცელებს.
მათივე ცნობით, ლილე ქუთელია, ზაური ბოკელავაძე, ანა ხიხაძე, ანი სანიკიძე, მარიამ ჩარქსელიანი და მარი იონანიძე ქუთაისის 3 უნივერსიტეტის გამორჩეული სტუდენტები არიან და ყოველთვიურად იღებენ მერის სტიპენდიას.
„ყოველწლიურად რამდენიმე წარჩინებულ სტუდენტს ვუნიშნავთ სტიპენდიას. ეს ამ ახალგაზრდების შრომის დაფასება და წახალისებაა, რაც სტიმული უნდა იყოს სხვებისთვისაც. დღეს ქუთაისის სამივე უნივერსიტეტის იმ 6 სტუდენტს შევხვდით, რომლებმაც მიმდინარე სასწავლო წელს ჩვენი სტიპენდია მოიპოვეს.
ახალგაზრდებთან საინტერესო საუბარი გვქონდა. მჯერა, ისინი თავიანთი ცოდნითა და განათლებით ქუთაისის განვითარებას ხელს შეუწყობენ",- განაცხადა იოსებ ხახალეიშვილმა.