ნორვეგიის დაზვერვა - ბოლო 30 წლის განმავლობაში პირველად, რუსეთმა ბალტიის ზღვაში ტაქტიკური ბირთვული იარაღით გემების განლაგება დაიწყო

30 წლის განმავლობაში პირველად, რუსეთმა ბალტიის ზღვაში ტაქტიკური ბირთვული იარაღით შეიარაღებული გემების განლაგება დაიწყო. ამის შესახებ ნორვეგიის დაზვერვის სამსახურმა ყოველწლიურ ანგარიშში განაცხადა. ინფორმაციას Politico ავრცელებს.

„ატომური პოტენციალის ძირითადი ნაწილი განლაგებულია რუსეთის ფედერაციის ჩრდილოეთ ფლოტის წყალქვეშა ნავებზე და წყალზედა გემებზე", - აღნიშნავს ნორვეგიის დაზვერვა.

მოხსენებაში ნათქვამია, რომ ჩრდილოეთ ფლოტის ხომალდები, ცივი ომის დროს, რეგულარულად გადიოდნენ ზღვაში ბირთვული იარაღით, მაგრამ თანამედროვე რუსეთის ფედერაციამ ეს პირველად გააკეთა.

„მიუხედავად იმისა, რომ რუსეთს ასევე აქვს წყალქვეშა ნავები, ანტისატელიტური იარაღი და კიბერ შესაძლებლობები, რომლებიც შეიძლება დაემუქროს ნორვეგიას და ნატოს, ტაქტიკური ბირთვული იარაღი წარმოადგენს „განსაკუთრებით მნიშვნელოვან საფრთხეს რამდენიმე ოპერაციულ სცენარში, რომლებშიც შესაძლოა ნატოს ქვეყნები იყვნენ ჩართული" , - აღნიშნულია მოხსენებაში.

ნორვეგიის დაზვერვა ასევე აღნიშნავს, რომ არ არის გამორიცხული, ადგილობრივი ომის ესკალაცია უფრო ფართო კონფლიქტში გადაიზარდოს, შეერთებული შტატების, ნატოს და ნორვეგიის მონაწილეობით.

სააგენტოს შეფასებით, მიუხედავად იმისა, რომ რუსეთი შეინარჩუნებს, მოდერნიზაციას და განავითარებს თავის ბირთვულ არსენალს, უახლოეს წლებში რუსეთის ბირთვულ დოქტრინაში მნიშვნელოვანი ცვლილებები არ არის მოსალოდნელი.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის