აჭარის საავტომობილო გზების დეპარტამენტის ინფორმაციით, მაღალმთიან სოფლებში ცენტრთან დამაკავშირებელი გზები თოვლისგან ინტენსიურად იწმინდება.
მათივე ცნობით, შიდა სასოფლო გზებიც ეტაპობრივად გაიწმინდება.
„ხულოს, შუახევის, ქედის, ხელვაჩაურისა და ქობულეთის მუნიციპალიტეტებში ადგილობრივი მნიშვნელობის საავტომობილო გზებზე თოვლის საფარისაგან გაწმენდითი სამუშაოები აქტიურ რეჟიმში მიმდინარეობს. ყველა მიმართულებით ადგილზე მობილიზებულია თოვლმწმენდი ტექნიკა და ადამიანური რესურსი. პირველ რიგში, ეტაპობრივად გაიწმინდება ცენტრებთან დამაკავშირებელი საავტომობილო გზები, რომლის დასრულების შემდეგ დაიწყება შიდა სასოფლო გზებზე გაწმენდითი სამუშაოები”,- განაცხადეს უწყებაში.
ცნობისთვის, უხვმა ნალექმა აჭარის მაღალმთიან სოფლებში პრობლემები შექმნა.