პარტია „ლელოს" ლიდერები ევროკავშირის წევრი სახელმწიფოების ელჩებს და დიპლომატიური კორპუსის წარმომადგენლებს ხვდებიან. შეხვედრაზე პარტიის ლიდერები: ბადრი ჯაფარიძე, სალომე სამადაშვილი, ანა ნაცვლიშვილი და გრიგოლ გეგელია წარმოადგენენ ევროკომისიის 12 რეკომენდაციის შესრულების შუალედურ შეფასებას და დიპლომატიურ კორპუსთან განიხილავენ საკუთარ ხედვას, თუ რა ნაბიჯები უნდა გადადგას საქართველომ კანდიდატი ქვეყნის სტატუსის მისაღებად.

"ლელოსთვის" ახლა პრიორიტეტულია, საქართველომ ეს უნიკალური შანსი არ დაკარგოს და შემოდგომაზე, როდესაც განხილული იქნება საქართველოს ევროკავშირში წევრობის კანდიდატის სტატუსის თემა, საქართველომ ევროკავშირის წევრობის კანდიდატის სტატუსი მიიღოს, ეს არის ჩვენი ამოცანა. ამას ეძღვნება დღევანდელი შეხვედრაც, რომ დიპლომატიური კორპუსის წარმომადგენლებს გავაცნოთ ის, თუ რა გააკეთა "ლელომ" 12 რეკომენდაციის შესრულების მიმართულებით, რა გეგმები გვაქვს და სად ვხედავთ პრობლემებს. მიგვაჩნია, რომ მნიშვნელოვანი პრობლემები არის დარჩენილი, რომელიც მოითხოვს გადაჭრას. ამ ყველაფრის ნებას დღეს მმართველ ძალაში ვერ ვხედავთ",-განაცხადა პარტია "ლელოს" ერთ-ერთმა ლიდერმა, ბადრი ჯაფარიძემ.