2023 წლის ბაკურიანის ჩემპიონატი ოფიციალურად გახსნილია - დღეს ვარჯიშების დაწყების დიდი სტარტია, - ამის შესახებ „მთის ტრასების სააგენტოს" დირექტორმა ირაკლი ბურჭულაძემ ჟურნალისტებთან განაცხადა.

როგორც მან განმარტა, 18 თებერვალს ჩემპიონატის გახსნის ოფიციალური ღონისძიება გაიმართება.

„2023 წლის ბაკურიანის ჩემპიონატი ოფიციალურად გახსნილია. დღეს ვარჯიშების დაწყების დიდი სტარტია. ჩვენ უკვე შეგვიძლია ვთქვათ, რომ ჩემპიონატი გახსნილია, რადგან ვარჯიშები დაიწყო. 18 თებერვალს გახსნის ოფიციალური ღონისძიებაა, 25-იანების ტერიტორიაზე. 19 თებერვლიდან კი უკვე პირველი ფინალები იწყება. ძალიან ბევრი ნაბიჯი გადადგა ჩვენმა გუნდმა, ფედერაციამ, ყველა იმ უწყებამ, რომელიც ჩართული იყო ჩემპიონატის მომზადებაში. ეს საქართველოსთვის ძალიან დიდი მნიშვნელობის ჩემპიონატია ", - აღნიშნა ირაკლი ბურჭულაძემ.