„თავისუფლება მიშას“ - ამ მოწოდებით აქცია წალენჯიხაშიც გაიმართა. "ნაციონალური მოძრაობის“ ლიდერებმა და მხარდამჭერებმა საქართველოს მესამე პრეზიდენტის, მიხეილ სააკაშვილის გათავისუფლება მოითხოვეს. მათი განცხადებით, ბრძოლას შედეგი აუცილებლად ექნება.

„ყველა ქალაქში, ყველა რაიონში იქნება აქცია. საბოლოოდ ეს პროტესტი თავს მოიყრის დედაქალაქში და წალეკავს „რუსულ ოცნებას“, „რუსულ მოღალატეობრივ ოცნებას", რომელზეც გუშინ კიდევ ერთი რეზოლუცია შექმნა ევროპარლამენტმა, სადაც შავით თეთრზე წერია ბიძინა ივანიშვილის სახელმწიფო ღალატის შესახებ, რომ ეს არის პრობლემა ჩვენი ქვეყნის ევროპული მომავლის, ასევე შავით თეთრზე წერია მიხეილ სააკაშვილის პოლიტპატიმრობის, დევნის შესახებ, რომ ის სწრაფად უნდა გათავისუფლდეს. ამიტომ, ყველგან ვიბრძოლებთ. უნდა იცოდეს რუსმა კობახიძემ, რუსმა "ქართულმა ოცნებამ“, ყველგან შეექმნებათ პრობლემა, საბოლოო ჯამში ქართველი ხალხი არ დაუშვებს ჩვენი ქვეყნის გარუსებას. ჩვენ ვიბრძოლებთ ჩვენი ქვეყნის დერუსეთიზაციისთვის, დეოლიგარქიზაციისთვის", - განაცხადა პარტია „ნაციონალური მოძრაობის“ თავმჯდომარე ლევან ხაბეიშვილმა.