ირაკლი კობახიძე - ჩვენთვის ევროკავშირს მაშინ აქვს ფასი, როცა იქ სამართლის უზენაესობა, დემოკრატია, თავისუფალი მედია დაცულია - ჩვენს მოქალაქეებს ასეთი ევროკავშირის წევრობა უნდა!

ჩვენთვის ევროკავშირს მაშინ აქვს ფასი, როცა ევროკავშირში სამართლის უზენაესობა, დემოკრატია, თავისუფალი მედია დაცულია - ჩვენს მოქალაქეებს ასეთი ევროკავშირის წევრობა უნდა! - ეს განცხადება ევროპარლამენტის მიერ მიღებულ რეზოლუციაზე საუბრისას პარტია "ქართული ოცნების" თავმჯდომარემ ირაკლი კობახიძემ გააკეთა.

როგორც მან ამ კონტექსტში განმარტა, "თუ ვიღაც გვეუბნება, რომ ევროინტეგრაციას მხოლოდ იმ შემთხვევაში მოგვცემს, თუ საქართველოში უარს ვიტყვით სამართლის უზენაესობაზე, დემოკრატიაზე, თავისუფალ მედიაზე და ხელისუფლებაში "ნაცმოძრაობას" დავაბრუნებთ, ეს მსჯელობა მიუღებელია".

ირაკლი კობახიძის თქმით, წინა შემთხვევაში არც ევროკომისიას და არც ევროპულ საბჭოს ევროპარლამენტის შესაბამისი რეზოლუციები არ გაუზიარებია. მან იმედი გამოთქვა, რომ არც ახალი რეზოლუცია იქნება გაზიარებული.

"ეს არის მესამე შემთხვევა. იმის გათვალისწინებით, რომ რეზოლუციაში გაკეთებული ჩანაწერები აბსურდულია, მას ჩვენთვის არავითარი ფასი არ აქვს - აქვს ნულოვანი ფასი. რაც უფრო მეტი დრო გადის, მით უფრო აბსურდული ხდება ეს რეზოლუციები.

თურმე სააკაშვილი ციხეში ყოფილა მძიმე მდგომარეობაში ივანიშვილის სიძულვილის გამო. სააკაშვილს ვინ შეეხვეწა, რომ საქართველოში ჩამოსულიყო?! როგორც თავად თქვა, ეს აგენტების მიერ დაიგეგმა. როცა რეზოლუცია აბსურდულია, მასზე კომენტარი არ ღირს.

ევროპარლამენტმა ეს მესამედ გააკეთა - მესამე აბსურდული რეზოლუცია მიიღო, თუმცა არც ერთი წინა რეზოლუცია არ გაიზიარეს ევროკომისიამ და ევროპულმა საბჭომ. გადამწყვეტია სწორედ ევროკომისიისა და ევროპული საბჭოს პოზიცია. დარწმუნებული ვარ, ასეთ აბსურდებს არც მომავალში გაუწევენ ანგარიშს", - განაცხადა ირაკლი კობახიძემ.

მმართველი პარტიის თავმჯდომარე ამბობს იმასაც, რომ საქართველოს წინააღმდეგ გლობალური ინტერესია და ვინც ამ ინტერესს აკოორდინირებს, მათ სერიოზული გავლენა აქვთ ევროპულ სტრუქტურებზე - ამ შემთხვევაში კი, ევროპარლამენტზე.

"ასეთი რაღაცები მარტივად ლაგდება ხოლმე, მაგრამ ჩვენ ჩვენი ეროვნული ინტერესები გვაქვს და ამის შესაბამისად ვიმოქმედებთ. აქ ბიძინა ივანიშვილის კეთილდღეობა არაფერ შუაშია, მან თავად განაცხადა, რომ როცა სასწორზე დგას მისი პირადი კეთილდღეობა და ქვეყნის ეროვნული ინტერესები, ის ყოველთვის უპირატესობას ანიჭებდა და მიანიჭებს ქვეყნის ინტერესებს - ეს არის მისი მკაფიო პოზიცია. ევროპარლამენტარები ამბობენ, რომ ევროინტეგრაცია და სამართლის უზენაესობა ერთმანეთთან არის კოლიზიაში, წინააღმდეგობაში, რასაც ვერ გავიზიარებთ. მადლობა ღმერთს, ამას არ იზიარებს არც ევროკომისია და არც ევროპული საბჭო. ჩვენთვის ასეთი დილემა კატეგორიულად მიუღებელია - როცა ერთ მხარეს ვიღაც აყენებს ევროინტეგრაციას და მეორე მხარეს სამართლის უზენაესობას, ეს დილემა პრინციპულად მიუღებელია", - განაცხადა კობახიძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო