ილია დარჩიაშვილმა საბერძნეთის რესპუბლიკაში ვიზიტის ფარგლებში, საბერძნეთში არსებული დიასპორული ორგანიზაციების ხელმძღვანელებთან შეხვედრა გამართა

საქართველოს საგარეო საქმეთა მინისტრმა, ილია დარჩიაშვილმა საბერძნეთის რესპუბლიკაში ვიზიტის ფარგლებში, საბერძნეთში არსებული დიასპორული ორგანიზაციების ხელმძღვანელებთან და დიასპორული ინიციატივების პროექტებში გამარჯვებულ თანამემამულეებთან შეხვედრა გამართა. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

მინისტრმა მადლობა გადაუხადა დიასპორის წარმომადგენლებს დღევანდელი შეხვედრისთვის და ინფორმაცია მიაწოდა როგორც საქართველოს საგარეო პოლიტიკური პრიორიტეტების, ასევე ქვეყნის განვითარების ძირითადი მიმართულებების შესახებ.

სამინისტროს ცნობით, მინისტრმა დიასპორის წარმომადგენლებთან შეხვედრაზე კიდევ ერთხელ აღნიშნა საქართველოს მთავრობისთვის დიასპორის განსაკუთრებული მნიშვნელობა და განაცხადა, რომ საქართველოს მთავრობა აქტიურად მუშაობს დიასპორის გასაძლიერებლად და სამშობლოს განვითარებაში მათი ჩართულობის უზრუნველსაყოფად.

ილია დარჩიაშვილმა ხაზი გაუსვა დიასპორის განსაკუთრებულ როლს საქართველოს წინაშე არსებული გამოწვევების დაძლევასა და ასევე, ქვეყნის საზღვრებს გარეთ საქართველოს პოზიტიური იმიჯის განმტკიცებაში.

მინისტრმა ასევე მოისმინა დიასპორის წარმომადგენელთა საჭიროებები და უწყების მხრიდან, მათთან მუდმივი კომუნიკაციის რეჟიმში, აღნიშნული თემების შეძლებისდაგვარად მოგვარების მზადყოფნა გამოთქვა“, - ნათქვამია გავრცელებულ ინფორმაციაში.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო