გიორგი სააკაშვილი - თუ გვინდა, საქართველოში სიკვდილით დასჯა აღდგეს, მაშინ  გვითხრან, კანონი შეცვალონ და მოკლან მიშა სააკაშვილი - კმარა! როდემდე უნდა გრძელდებოდეს შურისძიებაზე აგებული რიტორიკა?!

კმარა! როდემდე უნდა გრძელდებოდეს შურისძიებაზე აგებული რიტორიკა?! ადამიანი კვდება! საჭიროა გადარჩენა! თუ გვინდა, რომ საქართველოში სიკვდილით დასჯა აღდგეს, მაშინ გვითხრან პირდაპირ, კანონი შეცვალონ და მოკლან მიშა სააკაშვილი , - ამის შესახებ საქართველოს მესამე პრეზიდენტის ძმამ, გიორგი სააკაშვილმა „პალიტრანიუსის“ გადაცემა „დღის ნიუსრუმში“ განაცხადა.

როგორც გიორგი სააკაშვილი აღნიშნავს, ევროპარლამენტის მიერ მიხეილ სააკაშვილთან დაკავშირებით მიღებული რეზოლუციით დადასტურდა და ყველა აღირებს, რომ მისი ძმა რუსეთის პრეზიდენტის, ვლადიმერ პუტინის პირადი ტყვეა.

მისივე თქმით, „დროა, რაც შეიძლება მალე მოხდეს უფრო გაერთიანება, მმართველ პარტიაზე ევროპული ზეწოლა, რომ საქართველოს ყოფილი პრეზიდენტი გადარჩეს“.

„ძალიან მნიშვნელოვანია, რომ 600 ევროპარლამენტარიდან 577-მა მოაწერა ხელი რეზოლუციას, რაც დასტურია, რომ ევროპა, როგორც არასდროს, არის გაერთიანებული მიშას საკითხის გარშემო და ყველა ერთხმად თანხმდება, რომ ერთადერთი გზა მიშა სააკაშვილის გადასარჩენად არის მისი საზღვარგარეთ, შესაბამის კლინიკაში გადაყვანა. როგორ შეიძლება საკითხი ლობირებული იყოს, როცა 577 ევროპარლამენტარი აწერს ხელს და მართლა დროა, რომ ერთხელ და სამუდამოდ მმართველი პარტია გონს მოეგოს და ადეკვატური გადაწყვეტილება მიიღოს - მიშას მიეცეს საშუალება, წავიდეს სამკურნალოდ საზღვარგარეთ“, - განაცხადა გიორგი სააკაშვილმა.

რაც შეეხება პენიტენციური სამსახურის მიერ გავრცელებულ კადრებს - გიორგი სააკაშვილი არ გამორიცხავს, რომ კადრები დამონტაჟებული იყოს.

„ძალიან რთულია იმ მდგომარეობის ნახვა, რა მდგომარეობაშიც დღესდღეობით ჩემი ძმა იმყოფება. გუშინ დავინახეთ, პენიტენციურმა სამსახურმა გაავრცელა კადრები, სადაც მიშა სააკაშვილი ფაქტობრივად, სიმულანტად გამოიყვანეს და პალატაში დარბის. მე არ ვიცი ეს კადრები საიდან არის მოტანილი. ეს მთავრობა ყველაფერზეა წამსვლელი - იქ რას დააწერენ კუთხეში, რა თარიღით არის დათარიღებული“, - აღნიშნავს გიორგი სააკაშვილი.

გიორგი სააკაშვილმა ისაუბრა პრეზიდენტ სალომე ზურაბიშვილის როლზეც მიხეილ სააკაშვილის საქმეში და აღნიშნა, რომ რთული სათქმელია, რა გადაწყვეტილებას მიიღებს სალომე ზურაბიშვილი მიხეილ სააკაშვილის შეწყალებასთან დაკავშირებით.

გიორგი სააკაშვილის თქმით, თუკი საქართველოს მესამე პრეზიდენტის სიცოცხლე ლეტალურად დამთავრდება, საქართველოში შესაძლოა, შეუქცევადი პროცესები დაიწყოს.

„რთული სათქმელია, რა გადაწყვეტილებას მიღებს ქალბატონი სალომე, მაგრამ თუ მას უნდა, რომ საქართველოს ისტორიაში ღირსეულად შევიდეს, აქამდე უნდა მიეღო [შეწყალების გადაწყვეტილება].

ღმერთმა დაიფაროს, მიშა სააკაშვილის სიცოცხლე ლეტალური შედეგით დამთავრდეს. მერე ნახავთ როგორი შეუქცევადი პროცესები შეიძლება დაიწყოს. ვინაიდან, ჩვენ ერთხელ უკვე გვქონდა შემთხვევა საქართველოს ისტორიაში ზვიად გამსახურდიას სახით, რომ პრეზიდენტი გაურკვეველ ვითარებაში მოკვდა და კმარა შურისძიებაზე აგებული რიტორიკა“, - განაცხადა გიორგი სააკაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის