დიდველის სასრიალო ტრასაზე პარალელურ გიგანტურ სლალომში პირველი ვარჯიში დაიწყო.

როგორც „ინტერპრესნიუსის“ კორესპონდენტი ბაკურიანიდან იტყობინება, პარალელურ გიგანტურ სლალომში 20 ქვეყნის 94 სპორტსმენი იღებს მონაწილეობას, რომელთა შორისაა ქართველი სნოუბორდერი, რევაზ ნაზღაიძე.

ფინალი პარალელურ გიგანტურ სლალომში 19 თებერვალს გაიმართება.

ინფორმაციისთვის, პარალელური გიგანტური სლალომის დისციპლინაში სნოუბორდერები ერთმანეთის პარალელურად ეშვებიან ფერდობზე, რომელიც ორად, იდენტურად არის გაყოფილი. გამარჯვებულია ის სპორტსმენი, რომელიც ფინიშის ხაზს პირველი გადაკვეთს.

დისციპლინაში შეჯიბრება გაიმართება დიდველზე.

შეგახსენებთ, რომ 5 მარტამდე, ბაკურიანი ფრისტაილის სნოუბორდისა და ფრისკის მსოფლიო ჩემპიონატს მასპინძლობს. მთავარი ლოკაციები დიდველისა და კოხტას მთებია. სწორედ აქ შეიკრიბება ასობით ათლეტი 42 ქვეყნიდან, 7 სახეობაში საასპარეზოდ, მათ შორის იასპარეზებენ ქართველი ათლეტები სქი ქროსის და ფრისტაილის კატეგორიაში. მსოფლიო ჩემპიონატი საქართველოს მთავრობის მხარდაჭერით, მთის ტრასების სააგენტოსა და სათხილამურო ფედერაციის ორგანიზებით ტარდება.