ბათუმში ლიეტუვის სახელმწიფოს აღდგენის დღისადმი მიძღვნილი ღონისძიება გაიმართა

ბათუმში ლიეტუვის სახელმწიფოს აღდგენის დღისადმი მიძღვნილი ღონისძიება გაიმართა, - ამის შესახებ ინფორმაციას აჭარის ავტონომიური რესპუბლიკის მთავრობის ადმინისტრაცია ავრცელებს.

მათივე ცნობით, ლიეტუვის დამოუკიდებლობის დღისადმი მიძღვნილ ღონისძიებაში მონაწილეობა აჭარის მთავრობის თავმჯდომარემ, თორნიკე რიჟვაძემ მიიღო და ლიეტუველ ხალხს, დამსწრე საზოგადოებას ლიეტუვის რესპუბლიკის დამოუკიდებლობის დღე მიულოცა.

ღონისძიება ბათუმში ლიეტუვის საელჩოს ორგანიზებით გაიმართა, რომელსაც აჭარის უმაღლესი საბჭოს თავმჯდომარე დავით გაბაიძე, ბათუმის მერი არჩილ ჩიქოვანი, აჭარის მთავრობისა და უმაღლესი საბჭოს წევრები, ლიეტუვური სათვისტომოსა და დიპლომატიური კორპუსის წარმომადგებლები ესწრებოდნენ.

ლიეტუვის საგანგებო და სრულუფლებიანმა ელჩმა საქართველოში ანდრიუს კალინდრამ და საპატიო კონსულმა თემურ უსტიაშვილმა ლიეტუვასა და საქართველოს შორის გრძელვადიანი თანამშრომლობის გეგმებზე, ბათუმსა და კლაიპედას შორის ურთიერთთანამშრომლობის პერსპექტივებზე გაამახვილეს ყურადღება.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო