თელავში ახალი საფეხბურთო მოედნის სამშენებლო სამუშაოები გიორგი ალადაშვილმა და ლევან ანდრიაშვილმა დაათვალიერეს
თელავში, ლეგენდარული ფეხბურთელის გივი ჩოხელის სახელობის სტადიონზე არსებული სათადარიგო მოედნის სამშენებლო სამუშაოები მიმდინარეობს.
თელავის მერიის ინფორმაციით, სამშენებლო სამუშაოები კახეთის სახელმწიფო რწმუნებულმა, გიორგი ალადაშვილმა და თელავის მუნიციპალიტეტის მერმა, ლევან ანდრიაშვილმა ადგილზე დაათვალიერეს.
„პროექტს საპილოტე რეგიონების ინტეგრირებული განვითარების პროგრამის ფარგლებში, თელავის მუნიციპალიტეტის მერია ახორციელებს და მისი ჯამური ღირებულება 2 649 473 ლარს შეადგენს.
პროექტის ფარგლებში გათვალისწინებულია სათადარიგო მოედნის სრული რეაბილიტაცია, ტრიბუნების მოწყობა, ბუნებრივი მწვანე საფარის დაგება, გასახდელების მშენებლობა და მოედნის შემოღობვა.
პროექტის განხორციელებით კიდევ უფრო გაიზრდება თელავის, როგორც რეგიონული ცენტრის მნიშვნელობა, რაც ხელს შეუწყობს ახალგაზრდებში ჯანსაღი ცხოვრების წესის დამკვიდრებასა და პოპულარიზაციას“, - აღნიშნულია გავრცელებულ ინფორმაციაში.
