მიუნხენის უსაფრთხოების კონფერენციის ფარგლებში საქართველოს საგარეო საქმეთა მინისტრს, ილია დარჩიაშვილსა და რუმინეთის საგარეო საქმეთა მინისტრს შორის შეხვედრა გაიმართა.
საქართველოს საგარეო საქმეთა სამინისტროს მიერ გავრცელებული ინფორმაციით, ილია დარჩიაშვილმა და ბოგდან აურესკუმ ორმხრივი ურთიერთობის მიმდინარე დღის წესრიგზე ისაუბრეს, ისევე როგორც განსაკუთრებული ყურადღება გამახვილდა საქართველოს ევროპული და ევრო-ატლანტიკური ინტეგრაციის საკითხებზე.
„მინისტრები საქართველოსა და რუმინეთს შორის სტრატეგიული დოკუმენტის იმპლემენტაციის მიზნით შესაბამის სამოქმედო გეგმაზე აქტიურად მუშაობაზე შეთანხმდნენ.
მინისტრებმა ასევე მოსაზრებები გაცვალეს რუმინეთში გაფორმებული შავი ზღვის წყალქვეშა ელექტროკაბელის შესახებ ოთხმხრივი შეთანხმების მნიშვნელობაზე და ამ მიმართულებით დაგეგმილ ღონისძიებებზე.
რუმინეთის მხრიდან კიდევ ერთხელ გამოიხატა საქართველოს სუვერენიტეტისა და ტერიტორიული მთლიანობის მიმართ მტკიცე მხარდაჭერა. ილია დარჩიაშვილმა კოლეგა საქართველოში ვიზიტით მიიწვია“, - აღნიშნულია უწყების მიერ გავრცელებულ ინფორმაციაში.