საინფორმაციო სააგენტო „როიტერსის“ ცნობით, იტალიის პრემიერ-მინისტრი, ჯორჯია მელონი ორშაბათს კიევში გაემგზავრება.

ის უკრაინის პრეზიდენტს ვოლოდიმირ ზელენსკის შეხვდება.

მედიის ცნობით, მელონი, გასული წლის ოქტომბერში, თანამდებობის დაკავების დღიდან, მტკიცედ უჭერს მხარს უკრაინას, მაგრამ ამ საკითხზე დაპირისპირებაა კოალიციურ მთავრობაში, რომელსაც ის ხელმძღვანელობს.

ცნობისთვის, ყოფილმა პრემიერ-მინისტრმა და პარტია Forza Italia-ს ლიდერმა, სილვიო ბერლუსკონიმ, გასულ კვირას განაცხადა, რომ თავად რომ პრემიერ - მინისტრი ყოფილიყო, ზელენსკის არ შეხვდებოდა.