ჯოზეფ ბორელი - ზელენსკის და უკრაინელებს აქვთ ბევრი აპლოდისმენტი, მაგრამ არასაკმარისი საბრძოლო მასალა, ეს არის პარადოქსი - მოდით, გადავიდეთ სიტყვებიდან ფაქტებზე და დავაჩქაროთ სამხედრო მხარდაჭერა

ზელენსკის და უკრაინელებს აქვთ ბევრი აპლოდისმენტი, მაგრამ არასაკმარისი საბრძოლო მასალა, - ამის შესახებ ევროკავშირის უმაღლესმა წარმომადგენელმა ჯოზეფ ბორელმა მიუნხენის უსაფრთხოების კონფერენციაზე გამოსვლისას განაცხადა.

„ეს არის პარადოქსი. უნდა იყოს ნაკლები აპლოდისმენტები და უკეთესი იარაღის მარაგი“, - დასძინა ბორელმა.

ბორელის თქმით, რიტორიკის დრო არ არის.

ჯოზეც ბორელის თქმით, ევროპის უსაფრთხოებას უკრაინაში რუსეთის ომი ემუქრება.

„ეს არის ეგზისტენციალური გამოწვევა ევროპისთვის", - განაცხადა ბორელმა.

მისივე თქმით, ევროკავშირმა და მისმა წევრმა ქვეყნებმა უნდა დააჩქარონ სამხედრო დახმარების მიწოდება უკრაინისთვის, რაც მას ახლა სასწრაფოდ სჭირდება.

„ჩვენ უნდა გავზარდოთ და დავაჩქაროთ უკრაინის სამხედრო მხარდაჭერა. პირველი და ყველაზე გადაუდებელი, რაც გეოპოლიტიკურმა ევროპამ უნდა გააკეთოს, არის უკრაინის შეიარაღება. როგორც ყველა ევროპელმა ლიდერმა თქვა, გუშინ, რომ რუსეთი ვერ მოიგებს ამ ომს, რომ უკრაინამ უნდა გაიმარჯვოს. მაშინ მოდით, გადავიდეთ სიტყვებიდან ფაქტებზე და დავაჩქაროთ ჩვენი სამხედრო მხარდაჭერა უკრაინის მიმართ. იმის გამო, რომ უკრაინა კრიტიკულ სიტუაციაშია არსებული საბრძოლო მასალის თვალსაზრისით“, - განაცხადა ბორელმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის