ვოლოდიმირ ზელენსკი - ჯო ბაიდენთან გამართული მოლაპარაკებები ნაყოფიერი, მნიშვნელოვანი და გადამწყვეტი იყო - ვიმედოვნებთ, 2023 წელი გამარჯვების წელი იქნება
უკრაინის პრეზიდენტის, ვოლოდიმირ ზელენსკის განცხადებით, აშშ-ის პრეზიდენტთან, ჯო ბაიდენთან დღეს გამართული მოლაპარაკებები ნაყოფიერი და ძალიან გადამწყვეტი იყო.
„ვიმედოვნებთ, რომ 2023 წელი გამარჯვების წელი იქნება“, - აღნიშნა ზელენსკიმ ჯო ბაიდენთან შეხვედრის შემდეგ.
მისი თქმით, უკრაინას ძალიან რთული პერიოდი უდგას, მაგრამ ის მიაღწევს ისტორიულ წარმატებას აშშ-სა და დანარჩენი მსოფლიოს დახმარებით.
„დღეს მოლაპარაკებები ძალიან ნაყოფიერი, ძალიან მნიშვნელოვანი და ძალიან გადამწყვეტი იყო, შედეგები აუცილებლად აისახება ბრძოლის ველზე“, - აღნიშნა ზელენსკიმ.
შეგახსენებთ, აშშ-ის პრეზიდენტი, ჯო ბაიდენი დღეს კიევში ჩავიდა და უკრაინის პრეზიდენტს, ვოლოდიმირ ზელენსკისა და სხვა ოფიციალურ პირებს შეხვდა. ბაიდენმა ვიზიტის დროს უკრაინისთვის სამხედრო დახმარების ახალი პაკეტი დააანონსა, რომლის ჯამური ღირებულება 500 მილიონი აშშ დოლარი იქნება.
