პლენარული სხდომების დღის წესრიგში პრემიერ-მინისტრის ინტერპელაციის წესით გამოსვლა განსაზღვრულია, თუმცა პარლამენტს საბოლოო დასტური ჯერჯერობით არ აქვს

პარლამენტის პლენარული სხდომების მიმდინარე კვირის დღის წესრიგში ასახულია პრემიერ ირაკლი ღარიბაშვილის პარლამენტში ინტერპელაციის წესით მისვლა, თუმცა ჯერ-ჯერობით საბოლოო დასტური პარლამენტს პრემიერისგან არ აქვს.

პრემიერი-მინისტრის ინტერპელაციის წესით მოსმენა 24 თებერვლის სხდომაზე იგეგმება.

“ველით პასუხს, რომელიც მისგან უნდა მივიღოთ. ჯერ ბოლო დასტური არ მაქვს“, - განაცხადა პარლამენტის თავმჯდომარემ შალვა პაპუაშვილმა პარლამენტის ბიუროს სხდომაზე.

ირაკლი ღარიბაშვილი პარლამენტში ინტერპელაციის წესით ოპოზიციონერმა დეპუტატმა თეონა აქუბარდიამ, ანა ბუჩუკურმა და ხათუნა სამნიძემ დაიბარეს. მათ პრემიერ-მინისტრთან კითხვები ეროვნული უსაფრთხოების საკითხებზე აქვთ.

ღარიბაშვილმა პარლამენტში პასუხი უნდა გასცეს კითხვებს: რა ვითარებაა უკრაინის წინააღმდეგ ფართომასშტაბიანი აგრესიის ერთი წლის თავზე ქვეყნის ეროვნულ უსაფრთხოებაში;

რატომ არ იკრიბება ეროვნული უსაფრთხოების საბჭო დადგენილი წესით სამ თვეში ერთხელ მაინც, რატომ არ განიხილავს ქვეყნის ეროვნული უსაფრთხოების ინტერესებს პრემიერი თავის სათათბირო საბჭოში, რატომ არ განაახლა პრემიერმა, რომელსაც პარლამენტში დაპირება ჰქონდა, რომ წარადგენდა ქვეყნისთვის აუცილებელ ეროვნული უსაფრთხოების სტრატეგიულ დოკუმენტებს;

სად არის დეოკუპაციის საერთო ეროვნული ხედვა, რომელზეც პრემიერი 2020 წლის პირობებში საუბრობდა და პარლამენტმა 2021 წლის რეზოლუციით დაავალა მას, რომ ეს წარმოედინა. რატომ არ აქვს საქართველოს დღემდე ჰიბრიდულ ომთან დაპირისპირების საერთო სტრატეგია;

რატომ არის თავდაცვის ბიუჯეტი ქართული ოცნების პირობებში რეკორდულად შემცირებული - 1,58% და რა გზავნილია, ეს პოლიტიკის კონტექსტში როდესაც პოლიტიკის ამოცანაა შეკავება და თავდაცვა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის